Deuteronomy 20:5 — Compare Translations

2 translations compared side by side

ပူဝ်ႇၶဝ်ၵေႃႈတၵ်းလႆႈလၢတ်ႈတီႈၵူၼ်းတင်းလၢႆလႄႈဝႃႈ၊ ပေႃးမီးၵေႃႉဢၼ်ႁဵတ်းႁိူၼ်းဢၼ်မႂ်ႇလႄႈ ဢမ်ႇပႆႇလႆႈၶိုၼ်ႈႁိူၼ်းမႂ်ႇၸိုင်၊ ႁႂ်ႈမၼ်းၶိုၼ်းမိူဝ်းၵႂႃႇၵႃႈတီႈႁိူၼ်းမၼ်းသေ။ ပေႃးဢမ်ႇၼၼ် ၵူဝ်မၼ်းတၵ်းတၢႆၼႂ်းတီႈဢၼ်တိုၵ်းသိုၵ်းၼၼ်ႉလႄႈ ပိူၼ်ႈတၢင်ႇၵေႃႉတၵ်းၶိုၼ်ႈႁိူၼ်းမႂ်ႇမၼ်းၼၼ်ႉဢေႃႈ။-

“မိူဝ်ႈၼၼ်ႉၶုၼ်သိုၵ်းၶဝ်ၵေႃႈတၵ်းလႆႈလၢတ်ႈတီႈၵူၼ်းသိုၵ်းတင်းလၢႆလႄႈဝႃႈ၊ ‘ၵႃႈတီႈၼႆႈၸွင်ႇမီးၵူၼ်းသေၵေႃႉၵေႃႉဢၼ်ႁဵတ်းႁိူၼ်းမႂ်ႇလႄႈဢမ်ႇပႆႇၶိုၼ်ႈႁိူၼ်းမႂ်ႇၼၼ်ႉႁိုဝ်း။ ပေႃးမီးၸိုင်၊ႁႂ်ႈမၼ်းၶိုၼ်းမိူဝ်းႁိူၼ်းသေ။ ပေႃးဢမ်ႇၼၼ်ၵူဝ်မၼ်းတၢႆပႅတ်ႈၼႂ်းၼႃႈသိုၵ်းလႄႈပိူၼ်ႈတၢင်ႇၵေႃႉတၵ်းၶိုၼ်ႈႁိူၼ်းမႂ်ႇမၼ်းၼၼ်ႉဢေႃႈ။-