Deuteronomy 28:48 — Compare Translations

2 translations compared side by side

မႂ်းတၵ်းလႆႈပႃးဢဝ်တင်းတၢင်းဢၼ်တွင်ႉမႆႈသႆႈလိူတ်ႇ၊ တၢင်းဢၼ်ယၢၵ်ႇၼမ်ႉ၊ တၢင်းဢၼ်ဢမ်ႇမီးၶူဝ်းၼုင်ႈယူႇတူဝ်ပူၺ်၊ တၢင်းဢၼ်ယၢၵ်ႈၽၢၼ်ၼႂ်းလွင်ႈတၢင်းၵူႈၸိူဝ်ႉၵူႈပိူင်ၸိူဝ်းၼၼ်ႉသေလႄႈ ပွင်ႁဵတ်းဢမူႉရၢၼ်ႇသူႇမႂ်းတင်းလၢႆ ဢၼ်ထႃႇဝရႃႉၽြႃး ပွႆႇၸႂ်ႉမႃးတိုၵ်းတေႃးမႂ်းၼၼ်ႉဢေႃႈ။ မၼ်းၸဝ်ႈတၵ်းဢဝ်ၵၢၼ်းလဵၵ်းတၢင်ႇသႂ်ႇဝႆႉၵႃႈၼိူဝ်ၶေႃးမႂ်း တေႃႇထိုင်ႁွတ်ႈထၼ်ႈပေႃးမၼ်းၸဝ်ႈယႃႉၽဵဝ်ႈမႂ်းပႅတ်ႈၼၼ်ႉဢေႃႈ။-

ၵွပ်ႈၼႆလႄႈသူတၵ်းလႆႈႁဵတ်းဝၢတ်ႈတီႈရၢၼ်ႇသူႇဢၼ် ထႃႇဝရႃႉၽြႃး၊ ပွႆႇၸႂ်ႉမႃးတိုၵ်းတေႃးသူလူၺ်ႈတၢင်းဢၼ်တွင်ႉမႆႈသႆႈလိူတ်ႇ၊တၢင်းဢၼ်ယၢၵ်ႇၼမ်ႉ၊တၢင်းဢၼ်ယူႇတူဝ်ပူၺ်ဢိၵ်ႇတင်းတၢင်းဢၼ်ယၢၵ်ႈၽၢၼ်ၵူႈၸိူဝ်ႉၵူႈမဵဝ်းၼၼ်ႉလႄႈမၼ်းၸဝ်ႈတၵ်းဢဝ်ၵၢၼ်းလဵၵ်းတၢင်ႇသႂ်ႇဝႆႉၵႃႈၼိူဝ်ၶေႃးသူတေႃႇထိုင်ႁွတ်ႈမၼ်းၸဝ်ႈတၵ်းယႃႉၽဵဝ်ႈသူပႅတ်ႈၼၼ်ႉဢေႃႈ။-