Deuteronomy 3:18 — Compare Translations

2 translations compared side by side

မိူဝ်ႈၼၼ်ႉ ၵဝ်သင်ႇလၢတ်ႈတီႈသူလႄႈဝႃႈ၊ ထႃႇဝရႃႉၽြႃး ၽြႃးပဵၼ်ၸဝ်ႈသူဢဝ်လိၼ်ၼႆႉ ပၼ်တီႈသူႁႂ်ႈသူလႆႈပိူင်ႇယဝ်ႉ။ ၼႂ်းဝႃႈၼၼ်သေၵေႃႈ သူၵႃႈဢၼ်ၸၢင်ႈမေႃတိုၵ်းသိုၵ်းတင်းသဵင်ႈတင်းလူင် တၵ်းလႆႈယိပ်းၵမ်ဢဝ်လၢၵ်ႈၼၢၵ်ႈသေလႄႈ ဢွၼ်ၵၼ်ၶၢမ်ႈၵႂႃႇ ၵႃႈတီႈၽၢႆႇၼႃႈပီႈၼွင်ႉသူ ၵူၼ်းမဵဝ်း ဢီႉသရေႇလႃႉ တင်းလၢႆဢေႃႈ။-

“ယၢမ်းလဵဝ်ၵၼ်ၼၼ်ႉၵဝ်သင်ႇလၢတ်ႈတီႈၶဝ်လႄႈဝႃႈ၊ ‘ ထႃႇဝရႃႉၽြႃး၊ ၽြႃးပဵၼ်ၸဝ်ႈႁဝ်းဢဝ်မိူင်းဢၼ်မီးၽၢႆႇဝၼ်းဢွၵ်ႇၼမ်ႉ ယေႃးတၢၼ်ႇ၊ ၼၼ်ႉဢၢပ်ႈပၼ်တီႈသူယဝ်ႉ။ ၵမ်းၼႆႉၵူၼ်းသူၵႃႈဢၼ်တိုၵ်းသိုၵ်းလႆႈၼၼ်ႉတၵ်းလႆႈယိပ်းၵမ်လၢၵ်ႈၼၢၵ်ႈသေလႄႈဢွၼ်ၵၼ်ၶၢမ်ႈၵႂႃႇတၢင်းၼႃႈပီႈၼွင်ႉသူၵူၼ်းမဵဝ်း ဢိသရေး၊ ႁႂ်ႈလႆႈၸွႆႈထႅမ်ၶဝ်သိမ်းဢဝ်လိၼ်ၶဝ်ဢေႃႈ။-