Deuteronomy 5:14 — Compare Translations

2 translations compared side by side

ဝၼ်းသတ်ႉတမႃႉ ပဵၼ်ဝၼ်းၵမ်သိၼ်ထႃႇဝရႃႉၽြႃးပဵၼ်ၸဝ်ႈမႂ်းဢေႃႈ။ ၼႂ်းဝၼ်းၼၼ်ႉၸႃႉၸဵမ်မႂ်းလႄႈ၊ လုၵ်ႈၸၢႆးမႂ်း၊ လုၵ်ႈယိင်းမႂ်း၊ ၶႃႈၵူၼ်းၸၢႆးမႂ်း၊ ၶႃႈၵူၼ်းယိင်းမႂ်း၊ ဝူဝ်းမႂ်း၊ လီႈမႂ်း၊ တရိၵ်ႈသၢၼ်ႇမႂ်း၊ တင်းၶႅၵ်ႇဢၼ်မီးယူႇၵႃႈၼႂ်းၽၵ်းတူမႂ်းၼၼ်ႉ ဢမ်ႇလႆႈႁဵတ်းၵၢၼ်တၢင်းႁဵတ်း၊ ၸိူဝ်ႉၼင်ႇဢၼ်မႂ်းလႆႈယူႇၼိမ်ၼိမ်လီလီၼၼ်ႉ၊ ၶႃႈၵူၼ်းၸၢႆး၊ ၶႃႈၵူၼ်းယိင်းမႂ်းၸိူဝ်းၼၼ်ႉ တၵ်းလႆႈယူႇၼိမ်ၼိမ်လီလီဢေႃႈ။-

ဝၼ်းဢၼ်ထူၼ်ႈတီႈၸဵတ်းဝၼ်းၼၼ်ႉပဵၼ်ဝၼ်းဢၼ်ၵိုတ်းလိုဝ်ႈယူႇၼိမ်ၼိမ်လႄႈသၢၵ်ႈၵၢပ်ႈဝႆႉပုၼ်ႈၵဝ်ဢေႃႈ။ ၼႂ်းဝၼ်းၼၼ်ႉၸႃႉၸဵမ်သူလႄႈလုၵ်ႈလၢင်းသူ၊ၶႃႈသူ၊တူဝ်တရိၵ်ႈသၢၼ်ႇသူ၊ဢိၵ်ႇတင်းၶႅၵ်ႇဢၼ်ယူႇၵႃႈၼႂ်းႁိူၼ်းသူၸိူဝ်းၼၼ်ႉဢမ်ႇလႆႈႁဵတ်းၵၢၼ်ၵႃႈသင်လႃးလႃး။ ၸိူဝ်ႉၼင်ႇဢၼ်သူလိုဝ်ႈသဝ်းယူႇၼိမ်ၼိမ်လီလီၼၼ်ႉၶႃႈသူတင်းလၢႆၵေႃႈ၊တၵ်းလႆႈလိုဝ်ႈသဝ်းယူႇၼိမ်ၼိမ်လီလီဢေႃႈ။-