Deuteronomy 7:13 — Compare Translations

2 translations compared side by side

မၼ်းၸဝ်ႈတၵ်းႁၵ်ႉမႂ်းဢေႃႈ။ တၵ်းပၼ်တၢင်းလီတီႈမႂ်းလႄႈ ႁႂ်ႈမႂ်းယႂ်ႇၽႄႈၼမ်ၵိုၼ်းမႃးဢေႃႈ။ တၵ်းပၼ်တၢင်းလီတီႈမၢၵ်ႇတွင်ႉမႂ်း၊ မၢၵ်ႇလိၼ်ႁူင်းလိၼ်မႂ်း၊ ၶဝ်ႈပိူၵ်ႇၶဝ်ႈသၢၼ်မႂ်း၊ ၼမ်ႉၸပိတ်ႈမႂ်း၊ ၼမ်ႉမၼ်းမႂ်း၊ တၢင်းဢၼ်ဝူဝ်းမႂ်းယႂ်ႇၽႄႈၼမ်ၵိုၼ်းမႃး၊ သူဝ်းဢွၼ်ႇပႄႉဢွၼ်ႇၵႃႈၼႂ်းၽုင်သူဝ်းၽုင်ပႄႉမႂ်းၸိူဝ်းၼၼ်ႉ ၵႃႈၼႂ်းမိူင်းဢၼ်မၼ်းၸဝ်ႈတိူင်ႇဝႃႈဝႆႉတီႈပူႇမွၼ်ႇမႂ်းလႄႈ ဝႃႈတၵ်းပၼ်တီႈမႂ်းဢေႃႈ၊ ဝႃႈၼင်ႇၼႆၼၼ်ႉဢေႃႈ။-

မၼ်းၸဝ်ႈတၵ်းႁၵ်ႉသူလႄႈပၼ်တၢင်းလီတီႈသူႁႂ်ႈသူယႂ်ႇၽႄႈၼမ်ၵိုၼ်းမႃးလႄႈပၼ်တၢင်းလီတီႈလုၵ်ႈလၢၼ်သူ၊တီႈႁႆႈၼႃးသူႁႂ်ႈသူလႆႈၶဝ်ႈပိူၵ်ႇၶဝ်ႈသၢၼ်၊လႆႈၼမ်ႉမၢၵ်ႇၸပိတ်ႉ၊လႆႈၼမ်ႉမၼ်းမၢၵ်ႇသၢၼ်ႇလုၼ်ႇ၊ဢိၵ်ႇတင်းမၼ်းၸဝ်ႈတၵ်းပၼ်တၢင်းလီတီႈတူဝ်ဝူဝ်း၊ဢိၵ်ႇတင်းၽုင်သူဝ်းသူတင်းလၢႆဢေႃႈ။ မၼ်းၸဝ်ႈတၵ်းပၼ်တၢင်းလီမၢင်ႇၵလႃႇၸိူဝ်းၼႆႉၵႃႈၼႂ်းမိူင်းဢၼ်မၼ်းၸဝ်ႈဝႆႉၵတိတႃႇတေပၼ်တီႈပူႇမွၼ်ႇသူ၊မိူင်းဢၼ်သူတေလႆႈၶဝ်ႈၵႂႃႇၸၢမ်ႇၸႃးၼၼ်ႉဢေႃႈ။-