Deuteronomy 7:8 — Compare Translations

2 translations compared side by side

ၵွပ်ႈပိူဝ်ႈဢၼ်ထႃႇဝရႃႉၽြႃးႁၵ်ႉမႂ်း ဢိၵ်ႇတင်းၵွပ်ႈပိူဝ်ႈဢၼ်မၼ်းၸဝ်ႈ မီးဢလူဝ်ႇၶႂ်ႈႁႂ်ႈတၢင်းဢၼ်တိူင်ႇဝႃႈ ဢၼ်မၼ်းၸဝ်ႈတိူင်ႇဝႃႈဝႆႉတီႈပူႇမွၼ်ႇမႂ်းၼၼ်ႉတႄႇပဵၼ်လႄႈ၊ ထႃႇဝရႃႉၽြႃးၸင်ႇဢဝ်တင်းမိုဝ်းဢၼ်ႁႅင်းယႂ်ႇၼႃႇ ၼုၵ်ႈဢဝ်မႂ်းလႄႈ ၵႄႇသႄႇဢဝ်မႂ်း လွတ်ႈသေၵႃႈၼႂ်းတီႈဢၼ်မႂ်းၶၢမ်ႇႁဵတ်းၶႃႈ ဢၼ်ဝႃႈၵႃႈၼႂ်းမိုဝ်းၶုၼ်ႁေႃၶမ်း ၽႃႇရေႃး ဢၼ်ဢုပ်ႉပိူင်ႇမိူင်း ဢေႇၵိပ်ႉတူႉ ၼၼ်ႉမႃးယဝ်ႉ။-

ၵွပ်ႈပိူဝ်ႈ ထႃႇဝရႃႉၽြႃး၊ ႁၵ်ႉသူ၊ဢိၵ်ႇတင်းၵွပ်ႈပိူဝ်ႈမၼ်းၸဝ်ႈၶႂ်ႈႁႂ်ႈသဵတ်ႈၸႃႇၵတိၸဝ်ႈဢၼ်လႆႈႁဵတ်းဝႆႉၵႃႈတီႈပူႇမွၼ်ႇသူၼၼ်ႉတႄႇပဵၼ်လႄႈမၼ်းၸဝ်ႈၸင်ႇဢဝ်တင်းတၼ်းၶူဝ်းဢၼ်ယႂ်ႇၼႃႇၼၼ်ႉထုတ်ႇၼုၵ်ႈဢဝ်သူဢွၵ်ႇသေတၢင်းဢၼ်ပဵၼ်ၶႃႈတီႈၶုၼ်ႁေႃၶမ်းမိူင်း ဢေးၵျိပ်ႉ၊ ၼၼ်ႉဢေႃႈ။-