Ecclesiastes 4:14 — Compare Translations

2 translations compared side by side

လုၵ်ႈဢွၼ်ႇၸိူဝ်ႉၼင်ႇၼၼ်ၼၼ်ႉ ၸၢင်ႈဢွၵ်ႇသေၵႃႈၼႂ်းႁိူၼ်း တီႈဢၼ်မၼ်းပၢႆႈတဵတ်ႇပၢႆႈမႅပ်ႉယူႇၼၼ်ႉလႄႈ ႁွတ်ႈထိုင်ၵႃႈၼိူဝ်ႁေႃၶမ်းဢေႃႈ။ ၶုၼ်ႁေႃၶမ်း ၸိူဝ်ႉၼင်ႇၼၼ်ၼၼ်ႉ၊ မိူဝ်ႈဢၼ်မၼ်းၵိူတ်ႇလဵင်ႉမႃးၼၼ်ႉၸိုင် မၼ်းပဵၼ်ၵူၼ်းယၢၵ်ႈၵူၼ်းၽၢၼ် ၵႃႈၼႂ်းသိုင်ႇၸိုင်ႈဝၢၼ်ႈမိူင်းမၼ်းဢေႃႈ။-

ၵူၼ်းယၢၵ်ႈၵူၼ်းၽၢၼ်ဢၼ်ၵိူတ်ႇလဵင်ႉမႃးၵႃႈၼႂ်းသိုင်ႇၸိုင်ႈဝၢၼ်ႈမိူင်းၸဝ်ႈၼၼ်ႉပိၵ်ႉသမ်ႉပဵၼ်ၵေႃႉဢၼ်လွတ်ႈဢွၵ်ႇၵႃႈၼႂ်းထွင်ႇမႃးသေၵေႃႈမၼ်းယင်းၸၢင်ႈပဵၼ်ၶုၼ်ႁေႃၶမ်းယူႇဢေႃႈ။-