Ecclesiastes 9:1 — Compare Translations

2 translations compared side by side

ၵဝ်ၶႆႈၸႂ်ဝူၼ်ႉၸႂ် ႁႂ်ႈလႆႈၸၢမ်းတူၺ်းလွင်ႈတၢင်းဢၼ်ဝႃႈမႃးၸိူဝ်းၼၼ်ႉၸမ်ႉ၊ ၶဝ်ၸိူဝ်းဢၼ်သိုဝ်ႈတေႃႇ၊ ၶဝ်ၸိူဝ်းဢၼ်မီးပိင်ႇၺႃႇ ဢိၵ်ႇတင်းလွင်ႈတၢင်းဢၼ်ၶဝ်ႁဵတ်းၸိူဝ်းၼၼ်ႉ မီးယူႇၵႃႈၼႂ်းမိုဝ်းၽြႃးပဵၼ်ၸဝ်ႈဢေႃႈ။ ၽူႈလႂ်ဢမ်ႇႁူႉ လွင်ႈဢၼ်ပိူၼ်ႈတၵ်းႁၵ်ႉပႅင်းႁိုဝ်။ လွင်ႈဢၼ်ပိူၼ်ႈတၵ်းၸင်းႁိုဝ်ၼၼ်ႉလႆႈ။ လွင်ႈတၢင်းၵႃႈမီးတင်းသဵင်ႈတင်းလူင် မီးၵႃႈတီႈဝၼ်းတႃမိူဝ်းၼႃႈၶဝ်ဢေႃႈ။-

ၵဝ်ၶႆႈၸႂ်ဝူၼ်ႉတူၺ်းၼႃႇလူင်လၢင်လူၺ်ႈလွင်ႈတၢင်းၸိူဝ်းၼႆႉႁိုင်ၼႃႇယဝ်ႉလႄႈလႆႈႁုႁၼ်လွင်ႈတၢင်းဢၼ်ၵူၼ်းသိုဝ်ႈတေႃႇတင်းၵူၼ်းဢၼ်မီးပိင်ႇၺႃႇၶဝ်ႁဵတ်းၼၼ်ႉမီးၼႂ်းမိုဝ်းၽြႃးပဵၼ်ၸဝ်ႈဢေႃႈ။ ၶဝ်ဢမ်ႇႁုလွင်ႈဢၼ်ပိူၼ်ႈတၵ်းႁၵ်ႉပႅင်းႁိုဝ်၊ပိူၼ်ႈတၵ်းၸင်းႁိုဝ်ၼၼ်ႉလႆႈ။ ၽူႈလႂ်ဢမ်ႇႁုလွင်ႈတၢင်းဢၼ်မီးၵႃႈတီႈဝၼ်းတႃမိူဝ်းၼႃႈၶဝ်ၼၼ်ႉလႆႈသေၸိူဝ်ႉသေပိူင်။-