Esther 3:8 — Compare Translations

2 translations compared side by side

မိူဝ်ႈၼၼ်ႉ ႁႃႇမၢၼ်ႇ လဝ်ႊလၢတ်ႈတီႈၶုၼ်ႁေႃၶမ်း ဢႃႇသူၺ်ႇရူႉ လႄႈဝႃႈ၊ မီးမဵဝ်းၵူၼ်းဢၼ်ၽၢတ်ႇၽႄၵၼ် ယူႇၵူႈတီႈၵူႈလႅၼ်လႄႈႁွတ်ႈထိုင်ၵႃႈၼႂ်းၵူၼ်းဝၢၼ်ႈၵူၼ်းမိူင်းၵူႈၸိူဝ်ႉၵူႈမဵဝ်း ၵႃႈၼႂ်းသိုင်ႇၸိုင်ႈဝၢၼ်ႈမိူင်းၸဝ်ႈႁဝ်း ၵူႈသိုင်ႇၵူႈမိူင်း ၵူႈဢိူင်ႇၵူႈၵျၢၵ်ႈလႄႈ ဢၼ်ထုင်းၸၢမ်ႇတၢင်းဢၼ်ၶဝ်ၵမ်ၶဝ်ၵျၢင်ႉၼၼ်ႉ ဢမ်ႇမိူၼ်ၵၼ်တင်းထုင်းၸၢမ်ႇ ၵူၼ်းတၢင်ႇၸိူဝ်ႉတၢင်ႇမဵဝ်းၵႃႈမီး ဢၼ်ယင်းဢမ်ႇထွမ်ႇဢမ်ႇဢဝ် ဢူႉပတေႇဢၼ်ၸဝ်ႈၶုၼ်လူင်ၸီႇယၢင်ႇဝႆႉလႄႈယူႇၼၼ်ႉမဵဝ်းၼိုင်ႈတီႈၶႃႈဢေႃႈ။ ပိူဝ်ႈၼႆလႄႈ လွင်ႈဢၼ်ၸဝ်ႈၶုၼ်လူင်ပၼ်ဢၶႂၢင်ႉတီႈမဵဝ်းၼၼ်ႉၼၼ်ႉ၊ ဢမ်ႇမီးၵျေးၸူးၵႃႈသင်လႃးလႃးတီႈၶႃႈ။-

မိူဝ်ႈၼၼ်ႉ၊ ႁႃႇမၢၼ်ႇ၊ လဝ်ႈလၢတ်ႈတီႈၶုၼ်ႁေႃၶမ်းလႄႈဝႃႈ၊ “မီးၵူၼ်းမဵဝ်းၼိုင်ႈဢၼ်ယူႇၸွတ်ႇတူဝ်ႈၵူႈတီႈၵူႈလႅၼ်ၵႂႃႇၵႃႈၼႂ်းသိုင်ႇၸိုင်ႈဝၢၼ်ႈမိူင်းၸဝ်ႈၵူႈသိုင်ႇၵူႈမိူင်းၵူႈတီႈၵူႈလႅၼ်လႄႈထုင်းၸၢမ်ႇတၢင်းဢၼ်ၶဝ်ၵမ်ၶဝ်ၵျၢင်ႉၼၼ်ႉဢမ်ႇမိူၼ်ၵၼ်တင်းထုင်းၸၢမ်ႇၵူၼ်းတၢင်ႇၸိူဝ်ႉတၢင်ႇမဵဝ်းတင်းလၢႆၼၼ်ႉတီႈၶႃႈ။ လိူဝ်တွၼ်းၼႃႇသေပိူၼ်ႈ ၶဝ်ဢမ်ႇထွမ်ႇဢမ်ႇဢဝ်ဢုပတေႇဢၼ်ၸဝ်ႈၶုၼ်လူင်ၸီႇယၢင်ႇဝႆႉၼၼ်ႉဢေႃႈ။ ၵွပ်ႈပိူဝ်ႈၼႆလႄႈတၢင်းဢၼ်ၸဝ်ႈၶုၼ်လူင်ႁဝ်းယိူၼ်ႉၶၢမ်ႇၵူၼ်းမဵဝ်းၼၼ်ႉၸိုင်၊ဢမ်ႇမီးဢၵျူဝ်းၵျေးၸူးၵႃႈသင်လႃးလႃးတီႈၶႃႈ။-