Exodus 11:9 — Compare Translations

2 translations compared side by side

ထႃႇဝရႃႉၽြႃးလၢတ်ႈတီႈ မူဝ်းသေႇ လႄႈဝႃႈ၊ လွင်ႈၼင်ႇႁိုဝ်လွင်ႈတၢင်းဢၼ်လီဢၢမ်းၵဝ်တင်းလၢႆ တၵ်းၼမ်ၵိုၼ်းၵႃႈၼႂ်းမိူင်း ဢေႇၵိပ်ႉတူႉ ၸိုင်၊ ၶုၼ်ႁေႃၶမ်း ၽႃႇရေႃး ယင်းဢမ်ႇထွမ်ႇဢဝ်ၵႂၢမ်းသူလႄႈတၵ်းယူႇဢေႃႈ၊ ဝႃႈၼင်ႇၼႆဢေႃႈ။-

ထႃႇဝရႃႉၽြႃး၊ လၢတ်ႈတီႈ မူဝ်းသေႇ၊ လႄႈဝႃႈ၊ “ၶုၼ်ႁေႃၶမ်းတၵ်းဢမ်ႇထွမ်ႇဢဝ်ၵႂၢမ်းမႂ်းလႃးလႃး၊ပုၼ်ႈလွင်ႈၼင်ႇႁိုဝ်ၵဝ်တၵ်းယဵင်ႈၶႅၼ်းလႆႈႁဵတ်းၼႄၼိမိၵ်ႈလၢၵ်ႈၶၼႃႇဢၼ်လီဢၢမ်းဢၼ်ၼမ်ၵိုၼ်းၼႃႇၵႃႈၼႂ်းမိူင်း ဢေးၵျိပ်ႉ၊ ၼႆႉဢေႃႈ၊” ဝႃႈၼင်ႇၼႆဢေႃႈ။-