Exodus 12:15 — Compare Translations

2 translations compared side by side

ၸဵတ်းဝၼ်းတဵမ်တဵမ်သူတၵ်းလႆႈၵိၼ်ၶဝ်ႈမုၼ်းဢၼ်ဢမ်ႇပႃးၸိူဝ်ႉပႅင်ႈဢေႃႈ။ ဝၼ်းပထမႃႉၼၼ်ႉ သူတၵ်းလႆႈပႄႇပႅတ်ႈၸိူဝ်ႉပႅင်ႈသေ ၵႃႈၼႂ်းႁိူၼ်းသူဢေႃႈ။ ၸႃႉၸဵမ်ဝၼ်းပထမႃႉတေႃႇထိုင်ႁွတ်ႈဝၼ်းဢၼ်ထူၼ်ႈထိုင်ၸဵတ်းဝၼ်းၼၼ်ႉ ၵေႃႉဢၼ်ၵိၼ်ၶဝ်ႈမုၼ်းဢၼ်ပႃးၸိူဝ်ႉပႅင်ႈၼၼ်ႉၸမ်ႉ၊ တၵ်းလႆႈၶၢမ်ႇတၢင်းဢၼ်ပႄႇပႅတ်ႈသေၵႃႈၼႂ်း မဵဝ်းၸိူဝ်ႉၶိူဝ်း ဢီႉသရေႇလႃႉ ဢေႃႈ။-

“ၸဵတ်းဝၼ်းတဵမ်တဵမ်သူတၵ်းဢမ်ႇလႆႈၵိၼ်ၶဝ်ႈမုၼ်းဢၼ်သႂ်ႇၸိူဝ်ႉပႅင်ႈၼၼ်ႉ။ တၵ်းလႆႈၵိၼ်ၶဝ်ႈမုၼ်းဢၼ်ဢမ်ႇသႂ်ႇၸိူဝ်ႉပႅင်ႈၼၼ်ႉၵူၺ်းဢေႃႈ။ ၼႂ်းဝၼ်းတီႈၼိုင်ႈၼၼ်ႉသူတၵ်းလႆႈဢဝ်ၸိူဝ်ႉပႅင်ႈဢွၵ်ႇပႅတ်ႈသေၵႃႈၼႂ်းႁိူၼ်းသူဢေႃႈ။ ၼႂ်းၸူဝ်ႈၸဵတ်းဝၼ်းၼႆႉၵေႃႉဢၼ်ၵိၼ်ၶဝ်ႈမုၼ်းဢၼ်သႂ်ႇၸိူဝ်ႉပႅင်ႈၼၼ်ႉတၵ်းလႆႈၶၢမ်ႇပႄႇပႅတ်ႈသေၵႃႈၼႂ်းၸိူဝ်ႉၶိူဝ်း ဢိသရေး၊ ဢေႃႈ။-