Exodus 12:23 — Compare Translations

2 translations compared side by side

လွင်ႈမၼ်းၸမ်ႉ ထႃႇဝရႃႉၽြႃးၼၼ်ႉ တၵ်းၵႂႃႇႁႂ်ႈသုတ်းႁႂ်ႈတိူၵ်ႈ ႁႂ်ႈလႆႈပၼ်တၢမ်ႇတီႈၵူၼ်း ဢေႇၵိပ်ႉတူႉ တင်းလၢႆဢေႃႈ။ မိူဝ်ႈဢၼ်ထႃႇဝရႃႉၽြႃးႁၼ်လိူတ်ႈဢၼ်မီးၵႃႈတီႈၶိုဝ်ႇၽၵ်းတူတင်းသဝ်သွင်ၽၢႆႇၼၼ်ႉၸိုင်၊ မၼ်းၸဝ်ႈတၵ်းပူၼ်ႉၽၵ်းတူၼၼ်ႉၵႂႃႇသေဢေႃႈ။ တီႈၵေႃႉဢၼ်တၵ်းယႃႉပႅတ်ႈၼၼ်ႉၵေႃႈ မၼ်းၸဝ်ႈတၵ်းဢမ်ႇပၼ်ဢၶႂၢင်ႉ ဢၼ်လႆႈၶဝ်ႈၸူးၵႃႈၼႂ်းႁိူၼ်းသူ ႁႂ်ႈလႆႈပၼ်တၢမ်ႇတီႈသူ။-

ၼႂ်းမိူဝ်ႈဢၼ် ထႃႇဝရႃႉၽြႃး၊ ပႆၽၢတ်ႈၵႂႃႇၵႃႈၼႂ်းမိူင်း ဢေးၵျိပ်ႉ၊ ႁႂ်ႈလႆႈပၼ်ၽေးတၢမ်ႇတၢင်းတၢႆတီႈၵူၼ်းမဵဝ်း ဢေးၵျိပ်ႉ၊ ၶဝ်ၼၼ်ႉၸိုင်၊မၼ်းၸဝ်ႈတၵ်းႁၼ်လိူတ်ႈၵႃႈတီႈၶိုဝ်ႇၽၵ်းတူတင်းသဝ်သွင်ၽၢႆႇသေလႄႈ၊မၼ်းၸဝ်ႈတၵ်းဢမ်ႇပၼ်ဢၶႂၢင်ႉႁႂ်ႈတမၢၼ်ႇၵၢင်ႁၢဝ်ဢၼ်ၸၢင်ႈဢဝ်တၢႆၼၼ်ႉၶဝ်ႈၸူးၵႃႈၼႂ်းႁိူၼ်းသူႁႂ်ႈလႆႈပၼ်ၽေးတၢမ်ႇတၢင်းတၢႆတီႈသူလႄႈမၼ်းၸဝ်ႈတၵ်းပူၼ်ႉၽၵ်းတူၼၼ်ႉၵႂႃႇဢေႃႈ။-