Exodus 15:19 — Compare Translations

2 translations compared side by side

လွင်ႈမၼ်းၸမ်ႉ မႃႉၶုၼ်ႁေႃၶမ်း ၽႃႇရေႃး ဢိၵ်ႇတင်းလေႃႉရထႃးမၼ်းတင်းၵူၼ်းသိုၵ်းၶီႇမႃႉမၼ်းၸိူဝ်းၼၼ်ႉ ၶဝ်ႈၵႂႃႇၵႃႈၼႂ်းပၢင်ႇလၢႆႇလႄႈထႃႇဝရႃႉၽြႃးႁႂ်ႈၼမ်ႉပၢင်ႇလၢႆႇ ထူမ်ႈႁူမ်ႇၵႃႈၼိူဝ်ၶဝ်ပႅတ်ႈသေဢေႃႈ။ ၵူၼ်းမဵဝ်း ဢီႉသရေႇလႃႉ တင်းလၢႆၸမ်ႉ၊ ပႆၵႃႈၼိူဝ်လိၼ် ၵႃႈၼႂ်းၵႄႈဝူင်ႈၵၢင်ၼမ်ႉပၢင်ႇလၢႆႇၵႂႃႇဢေႃႈ။-

ၼႂ်းမိူဝ်ႈဢၼ်လေႃႉမႃႉသိုၵ်းၶုၼ်ႁေႃၶမ်းၸိူဝ်းၼၼ်ႉပႃးၸဵမ်မႃႉလႄႈၵူၼ်းႁေႃႈလေႃႉမႃႉသိုၵ်းမၼ်းတင်းလၢႆ၊ၶဝ်ႈၵႂႃႇၵႃႈၼႂ်းပၢင်ႇလၢႆႇယူႇၼၼ်ႉၸိုင်၊ ထႃႇဝရႃႉၽြႃး၊ ႁႂ်ႈၼမ်ႉပၢင်ႇလၢႆႇလုပ်ႇၶိုၼ်းလႄႈထူမ်ႈၶဝ်ပႅတ်ႈတင်းမူတ်းဢေႃႈ။ ၵူၼ်းမဵဝ်း ဢိသရေး၊ တင်းလၢႆၸမ်ႉ၊လႆႈပႆၽႃႇလတ်းပၢင်ႇလၢႆႇၵႂႃႇၵႃႈၼိူဝ်လိၼ်ႁႅင်ႈဢေႃႈ။