Exodus 15:9 — Compare Translations

2 translations compared side by side

ရၢၼ်ႇသူႇဝႃႈ၊ ၵဝ်တၵ်းလိုပ်ႈၸွမ်းလမ်းၸွမ်းဢေႃႈ။ ၵဝ်တၵ်းၸမ်တၵ်းၶိုတ်းဢေႃႈ။ ၵဝ်တၵ်းဢဝ်ဢုၵ်ႉၸႃႇဢၼ်ႁိမ်ႁူင်ႇဢဝ်လႄႈ လႆႈၼၼ်ႉ ၽႄမႅင်ႇလႄႈ ႁႂ်ႈႁူဝ်ၸႂ်ၵဝ်ပျေႉၸုမ်ႇ ဢိမ်ႇၸႂ်ၵႃႈတီႈၶဝ်ၼၼ်ႉဢေႃႈ။ ၵဝ်တၵ်းၸၵ်ႉထွတ်ႇဢဝ်လၢပ်ႇဢွၵ်ႇသေၵႃႈတီႈၵပ်းလႄႈ ဢဝ်တင်းမိုဝ်းၵဝ်ယႃႉၽဵဝ်ႈၶဝ်ပႅတ်ႈဢေႃႈ၊ ဝႃႈၼင်ႇၼႆတီႈၶႃႈဢေႃႈ။-

ရၢၼ်ႇသူႇလၢတ်ႈဝႃႈ၊ ‘ၵဝ်တၵ်းလိုပ်ႈလမ်းၸွမ်းၶဝ်လႄႈတၵ်းၶိုတ်းတၵ်းတၼ်းဢေႃႈ။ ၵဝ်တၵ်းၽႄပႅတ်ႈဢုၵ်ႉၸႃႇၶဝ်လႄႈၵႃႈဢၼ်ၵဝ်ၶႂ်ႈလႆႈၵဝ်တၵ်းႁိမ်ႁူင်ႇဢဝ်၊ ၵဝ်တၵ်းထွတ်ႇလၢပ်ႇလႄႈယႃႉၽဵဝ်ႈပႅတ်ႈၵႃႈဢၼ်ၶဝ်မီးၼၼ်ႉဢိူဝ်း၊’ ဝႃႈၼင်ႇၼႆဢေႃႈ။