Exodus 20:24 — Compare Translations

2 translations compared side by side

မႂ်းတၵ်းလႆႈတႄႇႁဵတ်းယိတ်ႈပလၢင်ႇလိၼ်ပုၼ်ႈၵဝ်ဢေႃႈ။ တၵ်းလႆႈဢဝ်ယိတ်ႈဢၼ်တုတ်ႇၽႆး တင်းယိတ်ႈမိၵ်ႉသႃႇႁႃယႃႉမႂ်း ဢၼ်ဝႃႈယိတ်ႈသူဝ်း၊ ဝူဝ်းမႂ်းၸိူဝ်းၼၼ်ႉ ပုၵ်ႈၸေႃႇၵႃႈၼိူဝ်ယိတ်ႈပလၢင်ႇၼၼ်ႉဢေႃႈ။ ၵဝ်တၵ်းမႃးတီႈသူ ၼႂ်းတီႈဢၼ်ၵဝ်ႁႂ်ႈ ၶုၵ်းၸႂ်လႆႈၶႆႈၸႂ်ထူပ်းၼႃႇမႃႉၸိုဝ်ႈသဵင်ၵဝ် ၵူႈတီႈၵူႈလႅၼ်ၼၼ်ႉသေလႄႈ ပၼ်တၢင်းလီဢေႃႈ။-

ဢဝ်တင်းလိၼ်ၵေႃႇႁဵတ်းၶဵင်ႇတၢင်းလူႇပုၼ်ႈၵဝ်တႃႉ။ ဢဝ်သူဝ်း၊ဝူဝ်းသူႁႂ်ႈပဵၼ်တူဝ်တၢင်းလူႇဢၼ်ဢဝ်တုတ်ႇၽႆးဢိၵ်ႇတင်းတၢင်းလူႇမိၵ်ႈသႁႃႇယႃႉၸိူဝ်းၼၼ်ႉသၢၵ်ႈလူႇၵႃႈၼိူဝ်ၶဵင်ႇတၢင်းလူႇၼၼ်ႉတႃႉ။ တီႈလႂ်တၼ်းလႂ်သေဢမ်ႇဝႃႈ၊တီႈဢၼ်ၵဝ်မၵ်းၶၢၼ်းဝႆႉပုၼ်ႈသူတၵ်းဝႆႈသႃၵူဝ်းၵႂၢႆႇၵဝ်ၼၼ်ႉ၊ၵဝ်တၵ်းမႃးတီႈသူလႄႈပၼ်တၢင်းလီဢေႃႈ။-