Exodus 21:22 — Compare Translations

2 translations compared side by side

ပေႃးၵူၼ်းၼင်ႇၵၼ်ၵၼ်ၽိတ်းၵၼ်လႄႈ တိူဝ်ႉထုၵ်ႇမႄႈယိင်းဢၼ်တူဝ်ဢမ်ႇသႃႇၼၼ်ႉမႅၼ်ႈသေယဝ်ႉ၊ လုၵ်ႈလၢင်းမၼ်းလူႉၵႂႃႇလႄႈ မၼ်းဢမ်ႇပဵၼ်တၢင်းၶႆႈတၢင်းပဵၼ်တၢင်ႇၸိူဝ်ႉတၢင်ႇပိူင်ၸိုင်၊ ၵေႃႉၼၼ်ႉ တၵ်းလႆႈၶၢမ်ႇတၢမ်ႇၸွမ်းၵႃႈၼင်ႇဢၼ် ၽူဝ်မႄႈယိင်းၸီႇယၢင်ႇၼၼ်ႉဢေႃႈ။ ၸွမ်းၵႃႈၼင်ႇဢၼ်ၶုၼ်ၸီႇယၢင်ႇၼၼ်ႉၵေႃႈ၊ ၵေႃႉၼၼ်ႉတၵ်းလႆႈယေႃႇလႆႈသေငိုၼ်းဢေႃႈ။-

“ပေႃးၵူၼ်းၸၢႆးၼင်ႇၵၼ်ၵၼ်ၽိတ်းၵၼ်ပေႃႉၵၼ်လႄႈတိူဝ်ႉထုၵ်ႇမႅၼ်ႈမႄႈယိင်းဢၼ်ပႃးတွင်ႉၼၼ်ႉသေယဝ်ႉ၊လုၵ်ႈမၼ်းလုသုမ်းၵႂႃႇလႄႈတူဝ်မၼ်းတႄႉဢမ်ႇပဵၼ်ၶႆႈပဵၼ်ၸဵပ်းၵႃႈသင်ၸိုင်၊ၵေႃႉဢၼ်တိူဝ်ႉမႅၼ်ႈၼၼ်ႉတၵ်းလႆႈၶၢမ်ႇၸွမ်းၵႃႈၼင်ႇဢၼ်ၽူဝ်မႄႈယိင်းၼၼ်ႉတၢပ်ႈတၢမ်ႇၼၼ်ႉဢေႃႈ။ ၸွမ်းၵႃႈၼင်ႇဢၼ်ၶုၼ်ဢၼ်ၸီႇယၢင်ႇတြႃး၊တႅပ်းတတ်းၼၼ်ႉၵေႃႈတၵ်းလႆႈယေႃႇလႆႈသေငိုၼ်းဢေႃႈ။-