Exodus 39:21 — Compare Translations

2 translations compared side by side

ၶဝ်ဢဝ်မႆဢၼ်သွမ်ႇမတ်ႉတွႆးၶူၺ်ႇၶမ်းၶိူင်ႈဝႆၼႃႈဢူၵ်းသွင်ဢၼ် ဢိၵ်ႇတင်းၶူၺ်ႇၶမ်းသိူဝ်ႈသုပ်းသွင်ဢၼ်ၼၼ်ႉၸပ်းၵၼ်ဝႆႉဢေႃႈ။ ၼင်ႇၼၼ်လႄႈ ၶိူင်ႈဝႆၼႃႈဢူၵ်းၼၼ်ႉ ႁွႆႈဝႆႉၵႃႈတီႈၽၢႆႇၼိူဝ်သၢႆႁတ်ႉဢႅဝ် ဢၼ်ႁၢင်ႈၶိူင်ႈၵႃႈတီႈသိူဝ်ႈသုပ်းၼၼ်ႉလႄႈ၊ ယင်းဢမ်ႇၽၢတ်ႇဢမ်ႇယၢၼ်ၵၼ် တင်းသိူဝ်ႈသုပ်းလႄႈ မီးယူႇသေႇသေႇ ၸွမ်းၵႃႈၼင်ႇဢၼ်ထႃႇဝရႃႉၽြႃးသင်ႇလၢတ်ႈဝႆႉတီႈ မူဝ်းသေႇ ၼၼ်ႉဢေႃႈ။

ၸွမ်းၵႃႈၼင်ႇဢၼ် ထႃႇဝရႃႉၽြႃး၊ သင်ႇလၢတ်ႈဝႆႉတီႈ မူဝ်းသေႇ၊ ၼၼ်ႉၶဝ်ဢဝ်သၢႆသွမ်ႇမတ်ႉမွင်ႈၶမ်းၶိူင်ႈၶူဝ်းထၢပ်ႈၼႃႈဢူၵ်းသွင်မွင်ႈၼၼ်ႉတင်းမွင်ႈၶမ်းသိူဝ်ႈသုပ်းသွင်မွင်ႈၼၼ်ႉတွႆးၸပ်းၵၼ်ဝႆႉဢေႃႈ။ ၼင်ႇၼၼ်လႄႈၶိူင်ႈၶူဝ်းတပ်ႉၼႃႈဢူၵ်းၼၼ်ႉႁွႆႈၸပ်းၵႃႈၼိူဝ်သၢႆႁတ်ႉဢႅဝ်လႄႈဢမ်ႇႁႂ်ႈမၼ်းလုတ်ႈတူၵ်းၵႂႃႇဢေႃႈ။