Exodus 7:19 — Compare Translations

2 translations compared side by side

ၵမ်းၼၼ်ႉ ထႃႇဝရႃႉၽြႃးသမ်ႉလၢတ်ႈတီႈ မူဝ်းသေႇ လႄႈဝႃႈၸမ်ႉ၊ လၢတ်ႈတီႈ ဢႃႇရုၼ်ႇ လႄႈဝႃႈ၊ ဢဝ်ၶွၼ်ႉတဝ်ႉမႂ်းလႄႈယိုၼ်းမိုဝ်းမႂ်းၵႃႈၼိူဝ်ၼမ်ႉ ၵႃႈဢၼ်မီးၵႃႈၼႂ်းမိူင်း ဢေႇၵိပ်ႉတူႉ ဢၼ်ဝႃႈၼမ်ႉႁွင်ႈလႂ်၊ ၼမ်ႉၵႄးလႂ်၊ ၼမ်ႉၼႂ်းၼွင်လႂ်၊ ၼမ်ႉယိုင်ႈလႂ်ၼၼ်ႉတႃႉ။ ၼမ်ႉၸိူဝ်းၼၼ်ႉၵႃႈမီးတင်းသဵင်ႈတင်းလူင်တၵ်းပဵၼ်လိူတ်ႈၵႂႃႇဢေႃႈ။ ၵႃႈတီႈမိူင်း ဢေႇၵိပ်ႉတူႉ ၵူႈတီႈၵူႈလႅၼ် ၵႃႈၼႂ်းၵွၵ်းမႆႉလႂ် ဢိၵ်ႇတင်းၵႃႈၼႂ်းမေႃႈမၢၵ်ႇႁိၼ်လႂ်၊ တၵ်းပဵၼ်လိူတ်ႈၵႂႃႇဢေႃႈ၊ ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။-

ၵမ်းၼၼ်ႉ၊ ထႃႇဝရႃႉၽြႃး၊ လၢတ်ႈတီႈ မူဝ်းသေႇ၊ လႄႈဝႃႈ၊ “သင်ႇလၢတ်ႈႁႂ်ႈ ဢႃႇရုၼ်ႇ၊ ဢဝ်ၶွၼ်ႉတဝ်ႉမၼ်းယိုၼ်းၵႃႈၼိူဝ်ၼမ်ႉၵႃႈမီးၵႃႈၼႂ်းမိူင်း ဢေးၵျိပ်ႉ၊ ၸႃႉၸဵမ်မႄႈၼမ်ႉလႂ်၊ၼမ်ႉႁွင်ႈၼမ်ႉၵႄးလႂ်၊ၼမ်ႉၼွင်လႂ်ၸိူဝ်းၼၼ်ႉႁႂ်ႈမၼ်းပိၼ်ႇပဵၼ်လိူတ်ႈၵႂႃႇတႃႉ။ ႁဵတ်းၼၼ်လႄႈၵႃႈၼႂ်းမိူင်း ဢေးၵျိပ်ႉ၊ ၵူႈတီႈၵူႈလႅၼ်ၸႃႉၸဵမ်ၵႃႈၼႂ်းၵွၵ်းႁၢင်းမႆႉလႂ်၊မေႃႈမၢၵ်ႇႁိၼ်လႂ်တင်းသဵင်ႈတင်းလူင်တၵ်းပဵၼ်လိူတ်ႈၵႂႃႇဢေႃႈ၊” ဝႃႈၼင်ႇၼႆဢေႃႈ။