Ezekiel 12:3 — Compare Translations

2 translations compared side by side

ပိူဝ်ႈဢၼ်ပဵၼ်ၼင်ႇၼႆလႄႈ၊ လုၵ်ႈၵူၼ်းဢိူၺ်း၊ ႁႅၼ်းၶူဝ်းႁႅၼ်းလဵင်းမႂ်း ႁႂ်ႈလႆႈၶၢႆႉၵႂႃႇ တၢင်ႇတီႈတၢင်ႇလႅၼ်လႄႈ ၶၢႆႉၵႂႃႇ သိုဝ်ႈၼႃႈတႂ်ႈတႃၶဝ်ၶိင်ႇၵၢင်ဝၼ်းတႃႉ။ ၶၢႆႉတီႈယူႇတီႈသဝ်းမႂ်းၵႂႃႇ တၢင်ႇတီႈတၢင်ႇလႅၼ် သိုဝ်ႈၼႃႈတႂ်ႈတႃၶဝ်တႃႉ။ ပိၵ်ႉသမ်ႉၶဝ် ပဵၼ်မဵဝ်းဢၼ်ၸၢင်ႈပုင်ႇၵၢၼ်ႇသေၵေႃႈ ၶဝ်ၸၢင်ႈၶႄးလႆႈသတီႉဢေႃႈ။-

“လုၵ်ႈၵူၼ်း႟။ ႁႅၼ်းပူၵ်ႉၶူဝ်းမႂ်းတေႃႈလဵဝ်ၼႆႉလႄႈပုၼ်ႈတႃႇတေလႆႈၶၢမ်ႇတၢင်းဢၼ်တိသိမ်းဢဝ်ၵႂႃႇၼႂ်းၶိင်ႇၵၢင်ဝၼ်းလႄႈလႆႈၵႂႃႇတၢင်ႇတီႈတၢင်ႇလႅၼ်သိုဝ်ႈၼႃႈတႂ်ႈတႃၶဝ်တႃႉ။ ပိၵ်ႉသမ်ႉၶဝ်ပဵၼ်မဵဝ်းဢၼ်ၸၢင်ႈလုၵ်ႉၽိုၼ်ႉသေၵေႃႈၶဝ်ၸၢင်ႈၶႄးတေလႆႈပွင်ႇၸႂ် လွင်ႈၼၼ်ႉဢေႃႈ။-