Ezekiel 16:37 — Compare Translations

2 translations compared side by side

ၵဝ်တၵ်း ႁႂ်ႈၸူႉမႂ်းဢၼ်မႂ်းမူၼ်ႈပျေႃႇ လူၺ်ႈၵၼ်တင်းၶဝ်ၵႃႈမီး ဢိၵ်ႇတင်း ၶဝ်ၸိူဝ်းဢၼ်မႂ်းႁၵ်ႉမႂ်းပႅင်းၵႃႈမီး တင်းၶဝ်ၸိူဝ်းဢၼ်မႂ်းၸင်းၵႃႈမီးၼၼ်ႉ ၸူႉၵၼ်တုမ်ၵၼ်ဢေႃႈ။ ၵဝ်တၵ်းႁႂ်ႈၸူႉၵၼ်တုမ်ၵၼ်ယူႇၽၢႆႇၼိုင်ႈ တင်းမႂ်းၵူႈၽၢႆႇၵူႈပႃႈသေလႄႈ ၼႄပျႃး တၢင်းဢၼ်မႂ်းယူႇတူဝ်ပူၺ် ဢမ်ႇမီးၶူဝ်းၼုင်ႈၼၼ်ႉ တီႈၶဝ်ထၼ်ႈပေႃး ႁႂ်ႈၶဝ်တင်းသဵင်ႈတင်းလူင်ၼၼ်ႉ လႆႈႁၼ်ၵႃႈဢၼ်မႂ်းယူႇ တူဝ်ပူၺ် ဢမ်ႇမီးၶူဝ်းၼုင်ႈၼၼ်ႉဢေႃႈ။-

ၵွပ်ႈပိူဝ်ႈလွင်ႈတၢင်းၼႆႉလႄႈၵဝ်ႁႂ်ႈၸုမႂ်းဢၼ်မႂ်းမူၼ်ႈပျေႃႇလူၺ်ႈၵၼ်တင်းၶဝ်ၵႃႈမီး၊ဢိၵ်ႇတင်းၶဝ်ၸိူဝ်းဢၼ်မႂ်းႁၵ်ႉမႂ်းပႅင်းၵႃႈမီး၊ဢိၵ်ႇတင်းၶဝ်ၸိူဝ်းဢၼ်မႂ်းၸင်းၵႃႈမီးၼၼ်ႉၸုတုမ်ၵၼ်ဢေႃႈ။ ၵဝ်တၵ်းဢဝ်ၶဝ်လွမ်ႉႁွပ်ႈမႂ်းသေယဝ်ႉ၊ထွတ်ႇလွၼ်ႈၶူဝ်းၼုင်ႈမႂ်းတင်းလၢႆလႄႈႁႂ်ႈၶဝ်လႆႈႁၼ်တၢင်းဢၼ်မႂ်းယူႇတူဝ်ပူၺ်ၼၼ်ႉဢေႃႈ။-