Ezekiel 24:17 — Compare Translations

2 translations compared side by side

လွမ်ၶၢင်းၶီၶၢင်းၽၢၼ် တဵတ်ႇတဵတ်ႇတႃႉ။ ယႃႇပေႁဵတ်းတၢင်းဢၼ်ပွင်ႉမိူၼ်ႇပုၼ်ႈ ၵေႃႉဢၼ်တၢႆၼၼ်ႉ။ ၶဵၼ်းၶဵၼ်းႁူဝ်မႂ်းလႄႈ တိုဝ်းၶႅပ်းတိၼ်မႂ်းတႃႉ။ ယႃႇပေႁူမ်ႇသူပ်းတူမ်းသူပ်းမႂ်း။ ယႃႇပေၵိၼ်တၢင်းၵိၼ် တၢင်းၶူပ်းၵူၼ်း၊ ဝႃႈၼင်ႇၼႆဢေႃႈ။-

တၢင်းဢၼ်မႂ်းၶၢင်းၶီၶၢင်းၽၢၼ်ၼၼ်ႉယႃႇႁႂ်ႈဢွၵ်ႇသဵင်။ ယႃႇပေႁဵတ်းတၢင်းဢၼ်ႁႆႈႁွင်ႉပွင်ႉၶၢင်းပုၼ်ႈၵူၼ်းတၢႆ။ ၶဵၼ်းႁူဝ်မႂ်းသေလႄႈတိုဝ်းၶႅပ်းတိၼ်မႂ်းတႃႉ။ ယႃႇပေႁူမ်ႇသူပ်းတူမ်းသူပ်းမႂ်း၊ယႃႇပေၵိၼ်ၶဝ်ႈမုၼ်းဢၼ်ၶဝ်ၸိူဝ်းဢၼ်ၶၢင်းၶီၶၢင်းၽၢၼ်ၵိၼ်ၼၼ်ႉ၊” ဝႃႈၼင်ႇၼႆဢေႃႈ။