Ezekiel 26:20 — Compare Translations

2 translations compared side by side

ၵဝ်တၵ်း ၶျႃးမႂ်းတူၵ်းလူၺ်ႈၵၼ် တင်းၶဝ်ၸိူဝ်းဢၼ်လူင်း ၵႃႈၼႂ်းႁူးလိၼ်ၶုမ်လိၼ် တီႈယူႇၵူၼ်းမိူဝ်ႈၵွၼ်ႇမိူဝ်ႈမိုၼ်ႉ ၸိူဝ်းၼၼ်ႉလႄႈ ႁႂ်ႈမႂ်းယူႇၵႃႈတီႈတႂ်ႈလိၼ်၊ ၵႃႈၼႂ်းတီႈဢၼ်ပဵၼ် ဢၼ်သဵတ်ႇဢၼ်ယဵၼ်ယူႇ ၸႃႉၸဵမ်မိူဝ်ႈၵွၼ်ႇဢွၼ်ၼႆႉၼၼ်ႉ လူၺ်ႈၵၼ်တင်းၶဝ်ၸိူဝ်းဢၼ်လူင်း ၵႃႈၼႂ်းႁူးလိၼ်ၶုမ်လိၼ်ၼၼ်ႉ ႁႂ်ႈမႂ်းဢမ်ႇလႆႈမီး ၵေႃႉဢၼ်ယူႇဢၼ်သဝ်းၵႃႈၼႂ်းမႂ်းဢေႃႈ။ မိူဝ်ႈၼၼ်ႉ ၵဝ်တၵ်းၽုၺ်ႇပိုတ်ႇ မုၼ်ၽုင်းၵဝ် ၵႃႈၼႂ်းမိူင်းတီႈယူႇၶဝ်ၸိူဝ်းဢၼ် ဢသၢၵ်ႈလိပ်းၼၼ်ႉဢေႃႈ။-

ၵဝ်တၵ်းဢဝ်မႂ်းတူၵ်းတီႈမိူင်းမရၼႃႉႁႂ်ႈမႂ်းယူႇလူၺ်ႈၵၼ်တင်းၵူၼ်းမိူဝ်ႈၵွၼ်ႇမိူဝ်ႈမိုၼ်ႉၸိူဝ်းၼၼ်ႉဢေႃႈ။ ၵဝ်တၵ်းႁႂ်ႈမႂ်းယူႇတႂ်ႈလိၼ်တီႈဢၼ်လုလႅဝ်တူႇၼဝ်ႈယူႇတႃႇသေႇဢမ်ႇထၢတ်ႇၼၼ်ႉလႄႈႁႂ်ႈမႂ်းယူႇသဝ်းလူၺ်ႈၵၼ်တင်းၵူၼ်းတၢႆတင်းလၢႆဢေႃႈ။ ၼင်ႇၼၼ်လႄႈမႂ်းတၵ်းဢမ်ႇၶိုၼ်းမီးႁေႃမီးႁိူၼ်း၊ဢမ်ႇမီးတီႈယူႇတီႈသဝ်းၵႃႈၼႂ်းမိူင်းၵူၼ်းဢၼ်ဢသၢၵ်ႈလိပ်းၼၼ်ႉထႅင်ႈ၊-