Ezekiel 31:15 — Compare Translations

2 translations compared side by side

ၸဝ်ႈထႃႇဝရႃႉၽြႃး မီးဢမိင်ႉၸမ်ႉ၊ ၼႂ်းမိုဝ်ႉဝၼ်းဢၼ် မၼ်းလူင်းၵႂႃႇ ၵႃႈၼႂ်းမိူင်းမရၼႃႉၼၼ်ႉ၊ ၵဝ်ႁႂ်ႈမီးတၢင်းဢၼ် ၶၢင်းၶီၶၢင်းၽၢၼ်လႄႈ ႁူမ်ႇသုမ်ႇတီႈဢၼ် ဢၼ်လိုၵ်ႉဢၼ်လမ်ႇ ဝႆႉပုၼ်ႈမၼ်းဢေႃႈ။ ၵဝ်ႁၢမ်ႈတၢပ်ႈႁႄႉၶႅၼ်ၼမ်ႉႁွင်ႈ တင်းလၢႆ ဝႆႉလႄႈ ၼမ်ႉဢၼ်ယႂ်ႇၼႃႇလူင်လၢင် လႆႈၶၢမ်ႇတၢင်းဢၼ်ၶျုၵ်ႈဝႆႉဢေႃႈ။ ၵဝ်ႁႂ်ႈလွႆ လေႇပၼုၼ်ႇ ၶၢင်းၶီၶၢင်းၽၢၼ်ပုၼ်ႈမၼ်းလႄႈ တူၼ်ႈမႆႉထိူၼ်ႇ တင်းသဵင်ႈတင်းလူင် ဢွၼ်ၵၼ်ၸႂ်လူႉ ၵွပ်ႈပိူဝ်ႈမၼ်းဢေႃႈ။-

ၸဝ်ႈပူဝ်ႇပႃႇၵၢင်ႁၢဝ်၊ထႃႇဝရႃႉၽြႃး၊ မီးဢမိင်ႉၸမ်ႉ၊ “ၼႂ်းဝၼ်းဢၼ်တူၼ်ႈမႆႉၼၼ်ႉလူင်းၵႂႃႇၵႃႈၼႂ်းမိူင်း မရၼႃႉ၊ ၼၼ်ႉၵဝ်တၵ်းႁႂ်ႈၼမ်ႉတႂ်ႈလိၼ်ထူမ်ႈမၼ်းႁႂ်ႈပဵၼ်သၢႆငၢႆတၢင်းဢၼ်ၶၢင်းၶီၶၢင်းၽၢၼ်ပုၼ်ႈမၼ်းဢေႃႈ။ ၵဝ်တၵ်းႁႂ်ႈၼမ်ႉႁွင်ႈၼမ်ႉၵႄးတင်းလၢႆ ယိုတ်းထၢတ်ႇလႄႈၼမ်ႉႁွင်ႈဢွၼ်ႇၼမ်ၼႃႇတၵ်းဢမ်ႇလႆယဝ်ႉဢေႃႈ။ ၵွပ်ႈပိူဝ်ႈဢၼ်တူၼ်ႈမႆႉၼၼ်ႉတၢႆယဝ်ႉလႄႈၵဝ်တၵ်းႁႂ်ႈလပ်းသိင်ႇႁူမ်ႇသုမ်ႇလွႆ လေႇပၼုၼ်ႇ၊ သေယဝ်ႉ၊ႁႂ်ႈတူၼ်ႈမႆႉၵႃႈဢၼ်မီးၵႃႈၼႂ်းထိူၼ်ႇၼၼ်ႉႁဵဝ်ႇႁႅင်ႈၵႂႃႇတင်းသဵင်ႈတင်းမူတ်းဢေႃႈ။-