Ezekiel 33:30 — Compare Translations

2 translations compared side by side

လိူဝ်သေၼၼ်ႉ လုၵ်ႈၵူၼ်းဢိူၺ်း၊ ၵူၼ်းမဵဝ်းလဵဝ်ၵၼ်တင်းမႂ်း ၸိူဝ်းၼၼ်ႉ ၸၢင်ႈဢွၼ်ၵၼ် လၢတ်ႈလူၺ်ႈလွင်ႈမႂ်းလႄႈ ၵေႃႉၼိုင်ႈလႄႈၵေႃႉၼိုင်ႈ ပီႈၼွင်ႉၵၼ်လၢတ်ႈၵၼ်ၵႃႈတီႈႁိမ်းၽႃလႂ်၊ ၵႃႈတီႈႁိမ်းၽၵ်းတူလႂ်လႄႈဝႃႈ၊ ၵႂႃႇတႃႉႁဝ်းဢိူၺ်း၊ ဢွၼ်ၵၼ်ထွမ်ႇငိၼ်းလွင်ႈဢၼ် ထႃႇဝရႃႉၽြႃး ပၼ်ပျႃႇတိၵ်ႈ ၸိူဝ်ႉၼင်ႇႁိုဝ်ၼၼ်ႉတႃႉႁဝ်း၊ ဝႃႈၼင်ႇၼႆဢေႃႈ။-

ထႃႇဝရႃႉၽြႃး၊ မီးဢမိင်ႉလႄႈဝႃႈ၊ “လုၵ်ႈၵူၼ်း႟။ ၵူၼ်းမႂ်းၸိူဝ်းၼၼ်ႉၸၢင်ႈဢွၼ်ၵၼ်လၢတ်ႈလူၺ်ႈလွင်ႈမႂ်းမိူဝ်ႈဢၼ်ၶဝ်ႁူပ်ႉထူပ်းၵၼ်ၵႃႈတီႈလမ်းဝဵင်းလႂ်၊ၵႃႈတီႈၽၵ်းတူႁိူၼ်းၶဝ်လႂ်ၼၼ်ႉဢေႃႈ။ ၶဝ်ၵေႃႉၼိုင်ႈလႄႈၵေႃႉၼိုင်ႈလၢတ်ႈတီႈၵၼ်လႄႈဝႃႈ၊ ‘ၵႂႃႇတႃႉႁဝ်း႟။ ဢွၼ်ၵၼ်ထွမ်ႇငိၼ်းလွင်ႈဢၼ် ထႃႇဝရႃႉၽြႃး၊ ပၼ်ပျႃႇတိၵ်ႈၸိူဝ်ႉၼင်ႇႁိုဝ်ၼၼ်ႉတႃႉႁဝ်း၊’ ဝႃႈၼင်ႇၼႆဢေႃႈ။-