Ezekiel 40:46 — Compare Translations

2 translations compared side by side

လုၵ်းဢၼ်ဝၢႆႇၼႃႈတေႃႇ ၽၢႆႇတၢင်းႁွင်ႇယူႇၼႆႉၸမ်ႉ၊ ပဵၼ်ပုၼ်ႈဢၼ် ယိတ်ႈပရေႃးႁဵၵ်ႈ ဢၼ်ပွင်ႁဵတ်းဢမူႉ ယိတ်ႈပလၢင်ႇ ၸိူဝ်းၼၼ်ႉ တၵ်းယူႇဢေႃႈ။ ၶဝ်ၼၼ်ႉၸမ်ႉ၊ ပဵၼ်လုၵ်ႈလၢၼ် ၸႃႇတုၵ်ႉ ဢၼ်လိူၵ်ႈၵဵပ်းဢဝ် ၵႃႈၼႂ်းၵူၼ်းမဵဝ်း လေႇဝီႉ ႁႂ်ႈလႆႈ သုတ်ႉၸပ်းသုတ်ႉၸူး ၵႃႈတီႈ ထႃႇဝရႃႉၽြႃးလႄႈ ပွင်ႁဵတ်းဢမူႉၸဝ်ႈ ၸိူဝ်းၼၼ်ႉဢေႃႈ၊ ဝႃႈၼင်ႇၼႆဢေႃႈ။

လုၵ်းဢၼ်ဝၢႆႇၼႃႈတေႃႇၽၢႆႇတၢင်းႁွင်ႇယူႇၼႆႉ သမ်ႉပဵၼ်ပုၼ်ႈယဵၸ်ႈပရေႃးႁဵၵ်ႈၸိူဝ်းဢၼ်ၵိုတ်ႉႁၢပ်ႇၼႃႈၵၢၼ်ၶဵင်ႇတၢင်းလူႇတၵ်းယူႇၼၼ်ႉဢေႃႈ။ ယဵၸ်ႈပရေႃးႁဵၵ်ႈၸိူဝ်းၼၼ်ႉတင်းမူတ်းပဵၼ်လုၵ်ႈလၢၼ်ၸိူဝ်ႉၶိူဝ်း ၸႃႇတုၵ်ႉ၊ လႄႈ၊ၶဝ်ၸိူဝ်းၼႆႉၵူၺ်းပဵၼ်လုၵ်ႈပဵၼ်လၢၼ်မဵဝ်း လေႇဝိ၊ ဢၼ်မီးဢၶႂၢင်ႉလႆႈၶဝ်ႈၸူးၵႃႈတီႈၽၢႆႇၼႃႈ ထႃႇဝရႃႉၽြႃး၊ ႁႂ်ႈလႆႈၵိုတ်ႉႁၢပ်ႇၼႃႈၵၢၼ်မၼ်းၸဝ်ႈဢေႃႈ၊” ဝႃႈၼင်ႇၼႆဢေႃႈ။