Ezekiel 41:22 — Compare Translations

2 translations compared side by side

ယိတ်ႈပလၢင်ႇၼိူဝ်ႉမႆႉၼၼ်ႉ၊ ဢၼ်သုင်မၼ်းမီးသၢမ်သွၵ်ႇ၊ ၼႃႈယၢဝ်းမၼ်းသွင်သွၵ်ႇ၊ ၼႃႈပွတ်းမၼ်းသွင်သွၵ်ႇဢေႃႈ။ ၸဵင်ႇမၼ်း၊ ၶူင်ႇႁၢၼ်ႉတိၼ်မၼ်း ၼႃႈႁိမ်းမၼ်းၸိူဝ်းၼၼ်ႉ ယဝ်ႉတူဝ်ႈလူၺ်ႈၼိူဝ်ႉမႆႉဢေႃႈ။ မၼ်းၼၼ်ႉ လၢတ်ႈတီႈၵဝ်လႄႈဝႃႈ၊ဢၼ်ၼႆႉၸမ်ႉ၊ ပဵၼ်ၶူင်ႇတီႈၵိၼ်ဢၼ်တၢင်ႇတမ်းဝႆႉၵႃႈတီႈ ၽၢႆႇၼႃႈထႃႇဝရႃႉၽြႃးဢေႃႈ၊ ဝႃႈၼင်ႇၼႆဢေႃႈ။

ၶဵင်ႇတၢင်းလူႇမႆႉၸိင်သေယဝ်ႉ၊တၢင်းသုင်မၼ်းမီးသၢမ်သွၵ်ႇ၊ၼႃႈယၢဝ်းမၼ်းမီးသွင်သွၵ်ႇ၊ၼႃႈၵႂၢင်ႈမၼ်းမီးသွင်သွၵ်ႇဢေႃႈ။ သဝ်ၸဵင်ႇမၼ်း၊ၶူင်ႇႁၢၼ်ႉတိၼ်မၼ်း၊ၼႃႈၽႃမၼ်းၸိူဝ်းၼၼ်ႉဢဝ်မႆႉၸိင်ႁဵတ်းဝႆႉတင်းမူတ်းဢေႃႈ။ ၵေႃႉၼၼ်ႉလၢတ်ႈတီႈၵဝ်လႄႈဝႃႈ၊ “ဢၼ်ၼႆႉၸမ်ႉ၊ပဵၼ်ၽိူၼ်ဢၼ်တင်ႈဝႆႉၵႃႈတီႈၽၢႆႇၼႃႈ ထႃႇဝရႃႉၽြႃး၊ ဢေႃႈ၊” ဝႃႈၼင်ႇၼႆဢေႃႈ။