Ezekiel 48:8 — Compare Translations

2 translations compared side by side

ၵႃႈတီႈႁိမ်းဢိူင်ႇ ယူႉတႃႉ ၼၼ်ႉ၊ ဢဝ်ၵႃႈတီႈၽၢႆႇဝၼ်းဢွၵ်ႇ တေႃႇထိုင်ႁွတ်ႈၽၢႆႇဝၼ်းတူၵ်း တၵ်းလႆႈမီးၵႂၢၵ်ႈလိၼ် ဢၼ်သူတၵ်းလႆႈ ပုၵ်ႈၸေႃႇဢေႃႈ။ ၼႃႈပွတ်းလိၼ်ၼၼ်ႉၸမ်ႉ၊ တၵ်းလႆႈမီးသွင်မိုၼ်ႇႁႃႈႁဵင်တႅၵ်ႈလႄႈ ၼႃႈယၢဝ်းမၼ်းၸမ်ႉ၊ ဢဝ်ၵႃႈတီႈၽၢႆႇဝၼ်းဢွၵ်ႇတေႃႇထိုင်ႁွတ်ႈၽၢႆႇဝၼ်းတူၵ်း တၵ်းလႆႈတၢၼ်ႇပဵင်းၵၼ်တင်း ၼႃႈယၢဝ်းဢိူင်ႇၼိုင်ႈဢေႃႈ။ ထႃႇၼႃႉတီႈမူတ်းၸၢင်ႇ တၵ်းလႆႈမီးၵႃႈၼႂ်းၶိုင်ႈၵၢင် လိၼ်ၼၼ်ႉဢေႃႈ။-

သူတၵ်းလႆႈမီးၵႂၢၵ်ႈလိၼ်ၵႂၢၵ်ႈၼိုင်ႈၸတ်းဝႆႉပုၼ်ႈလိၼ်ဢမူၺ်ႇဢၼ်မူတ်းၸၢင်ႇဢေႃႈ။ ၼႃႈၵႂၢင်ႈၵႂၢၵ်ႈလိၼ်ၼၼ်ႉတၵ်းလႆႈမီးသွင်မိုၼ်ႇႁႃႈႁဵင်သွၵ်ႇဢဝ်သေၵႃႈတီႈၸဵင်ႇႁွင်ႇၵႂႃႇၸူးၸဵင်ႇၸၢၼ်းပုၼ်ႉဢေႃႈ။ ၼႃႈယၢဝ်းမၼ်းၸမ်ႉ၊ဢဝ်ၵႃႈတီႈၽၢႆႇဝၼ်းဢွၵ်ႇတေႃႇထိုင်ႁွတ်ႈၵႃႈတီႈၽၢႆႇဝၼ်းတူၵ်းမိူၼ်မိူၼ်ၵၼ်တင်းၼႃႈယၢဝ်းဢိူင်ႇဢၼ်ၽႄမႅင်ႇပၼ်တီႈၵူၼ်းၸိူဝ်ႉၶိူဝ်းယေႈမဵဝ်းၼၼ်ႉဢေႃႈ။ ၵျွင်းပိၵ်ႈမၢၼ်ႇၸဝ်ႈတၵ်းလႆႈမီးၵႃႈၼႂ်းၵႂၢၵ်ႈလိၼ်ၼႆႉဢေႃႈ။