Ezra 10:14 — Compare Translations

2 translations compared side by side

ႁႂ်ႈၶုၼ်ႁဝ်းၶႃႈတင်းလၢႆ ၸုၵ်းယူႇပုၼ်ႈပရဵၵ်ႈသၢတ်ႈတင်းသဵင်ႈတင်းလူင်လႄႈ ႁႂ်ႈၶဝ်ၵႃႈဢၼ်ႁူမ်ႈပွင်းလူၺ်ႈၵၼ်တင်းမႄႈယိင်းၵူၼ်းတၢင်ႇၸိူဝ်ႉတၢင်ႇမဵဝ်း ဢၼ်မီးၵႃႈၼႂ်းဝၢၼ်ႈဝဵင်းႁဝ်းၶႃႈၸိူဝ်းၼၼ်ႉ ၸွမ်းႁူမ်ႈလူၺ်ႈၵၼ်တင်း ၶဝ်ၸိူဝ်းဢၼ်ပဵၼ်ၵႄႇပဵၼ်ႁူဝ် ဢိၵ်ႇတင်းၵူၼ်းယႂ်ႇၵူၼ်းလူင်တြႃးဝဵင်းႁင်းၽႂ်ႁင်းမၼ်းၼၼ်ႉ ဢွၼ်ၵၼ်မႃးၼႂ်းၶိင်ႇဢၼ်မၵ်းၶိၼ်းဝႆႉၼၼ်ႉလႄႈ ၽေႇတၢင်းၸႂ်မႆႈၶႆႈၸႃႉၽြႃးပဵၼ်ၸဝ်ႈႁဝ်းၶႃႈဢၼ်ဢွၵ်ႇ ၵွပ်ႈပိူဝ်ႈဢမူႉၼႆႉၼၼ်ႉသေၵမ်းၶႃႈ၊ ဝႃႈၼင်ႇၼႆဢေႃႈ။

ႁႂ်ႈၶုၼ်ႁဝ်းၶႃႈၼၼ်ႉႁပ်ႉဢဝ်ပုၼ်ႈၽွၼ်းဢမုၼႆႉသေၵမ်းၶႃႈ။ ၼင်ႇၼၼ်လႄႈႁႂ်ႈၵေႃႉဢၼ်မီးမေးၵူၼ်းတၢင်ႇၸိူဝ်ႉတၢင်ႇမဵဝ်းၸိူဝ်းၼၼ်ႉၸွမ်းလူၺ်ႈၵၼ်တင်းၵူၼ်းဢၼ်ပဵၼ်ၵႄႇပဵၼ်ႁူဝ်ၶဝ်တင်းၶုၼ်ဢၼ်ၸီႇယၢင်ႇတြႃးဝဵင်းၶဝ်ၼၼ်ႉမႃးၼႂ်းၶိင်ႇဢၼ်မၵ်းၶိၼ်းဝႆႉၼၼ်ႉသေၵမ်းၶႃႈ။ ပေႃးႁဵတ်းၸိူဝ်ႉၼင်ႇၼၼ်ၸိုင်၊တၢင်းၸႂ်မႆႈၶႂ်ႈၸႃႉၽြႃးပဵၼ်ၸဝ်ႈၵွပ်ႈပိူဝ်ႈဢမုၼႆႉၼၼ်ႉတၵ်းထၢတ်ႇယဵၼ်ၶႃႈဢေႃႈ၊” ဝႃႈၼင်ႇၼႆဢေႃႈ။-