Ezra 4:2 — Compare Translations

2 translations compared side by side

ဢွၼ်ၵၼ်မႃးၸူးတီႈ ၸေႇရူႉပႃႉပေႇလႃႉ တင်းၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ် မဵဝ်းပူႇမဵဝ်းပေႃႈၸိူဝ်းၼၼ်ႉလႄႈလၢတ်ႈလႄႈဝႃႈ၊ ႁႂ်ႈႁဝ်းလႆႈတႄႇႁဵတ်းလူၺ်ႈၵၼ်တင်းသူသေၵမ်းလူၺ်ႈ။ ႁဝ်းၵေႃႈဢွၼ်ၵၼ်ႁႃၽြႃးပဵၼ်ၸဝ်ႈသူ မိူၼ်ၸိူဝ်ႉၼင်ႇဢၼ်သူႁႃၼၼ်ႉဢေႃႈ။ ႁဝ်းဢွၼ်ၵၼ်ပုၵ်ႈၸေႃႇယိတ်ႈတီႈမၼ်းၸဝ်ႈယူႇ ၸႃႉၸဵမ်ၸူဝ်ႈပၢၼ် ဢေႇသရႃႇႁတ်ႉတုၼ်ႇ ၶုၼ်ႁေႃၶမ်း ဢႃႇသူႉရီႉ ၊ ဢၼ်ဢဝ်ႁဝ်းမႃးၵႃႈတီႈမိူင်းၼႆႉၼၼ်ႉဢေႃႈ။ မိူဝ်ႈဢၼ်ဝႃႈၼင်ႇၼႆၸိုင်၊-

ၶဝ်ဢွၼ်ၵၼ်မႃးၸူးတီႈ ၸေႇရုပႃႉပေႇလႃႉ၊ တင်းတီႈၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ်ၼႂ်းၸိူဝ်ႉၼႂ်းၶိူဝ်းၸိူဝ်းၼၼ်ႉသေယဝ်ႉ၊လၢတ်ႈလႄႈဝႃႈ၊ “ႁႂ်ႈႁဝ်းလႆႈၶဝ်ႈပႃးတႄႇႁဵတ်းလူၺ်ႈၵၼ်တင်းသူသေၵမ်းလူၺ်ႈ။ ႁဝ်းၵေႃႈဢွၼ်ၵၼ်ဝႆႈၽြႃးပဵၼ်ၸဝ်ႈသူႇလဵဝ်ၵၼ်တင်းသူဝႆႈၼၼ်ႉဢေႃႈ။ ႁဝ်းဢွၼ်ၵၼ်သၢၵ်ႈၵၢပ်ႈႁဵတ်းတၢင်းလူႇတီႈမၼ်းၸဝ်ႈမႃး၊ၸႃႉၸဵမ်ၸူဝ်ႈပၢၼ် ဢေႇသရႃႇႁတ်ႉတုၼ်ႇ၊ ၸဝ်ႈမုၼ်ယႂ်ႇၶုၼ်ႁေႃၶမ်းမိူင်း ဢႃႇသီးရီးယႃး၊ ဢၼ်ဢဝ်ႁဝ်းမႃးယူႇၵႃႈတီႈမိူင်းၼႆႉၼၼ်ႉဢေႃႈ၊” မိူဝ်ႈဢၼ်ဝႃႈၼင်ႇၼႆၸိုင်။