Ezra 5:8 — Compare Translations

2 translations compared side by side

ၶႅၼ်းတေႃႈႁႂ်ႈၸဝ်ႈၶုၼ်လူင်ႁူႉလွင်ႈဢၼ်ၶႃႈၸဝ်ႈႁဝ်းၶဝ် ႁွတ်ႈထိုင်ၵႃႈတီႈဢိူင်ႇ ယူႉတႃႉ ၵႃႈတီႈႁိူၼ်းၽြႃးပဵၼ်ၸဝ်ႈဢၼ်ယႂ်ႇမျၢတ်ႈၼႃႇ ဢၼ်မီးတၢင်းဢၼ်ဢဝ်မၢၵ်ႇႁိၼ်လူင်တႄႇႁဵတ်းယူႇ၊ ဢဝ်မႆႉတၢင်ႇသႂ်ႇၵႃႈၼိူဝ်ၽႃႁိၼ်ယူႇသေလႄႈ တၢင်းဢၼ်ပွင်ဢၼ်ႁဵတ်းမၼ်းၼၼ်ႉ ပဵၼ်ဢၼ်ၶၼ်ဢၼ်ၽႂ်းၼႃႇလႄႈ တၢင်းၵျၢမ်ႇတၢင်းပွင်ၶဝ်ၼၼ်ႉပဵၼ်ၼၼ်ႉသေၵမ်းတီႈၶႃႈ။-

“ၶႅၼ်းတေႃႈႁႂ်ႈၸဝ်ႈမုၼ်ယႂ်ႇၶုၼ်ႁေႃၶမ်းႁုလွင်ႈဢၼ်ၶႃႈၸဝ်ႈႁဝ်းၶဝ်ႁွတ်ႈထိုင်ၵႃႈတီႈဢိူင်ႇ ယုတႃႉ၊ လႄႈထူပ်းႁၼ်ၵျွင်းပိၵ်ႈမၢၼ်ႇၽြႃးပဵၼ်ၸဝ်ႈဢၼ်ယႂ်ႇမျၢတ်ႈၼႃႇၼၼ်ႉဢၼ်မီးတၢင်းဢၼ်ဢဝ်တင်းၵွၼ်ႈႁိၼ်လူင်တႄႇႁဵတ်းယူႇ၊ဢဝ်မႆႉၶိုဝ်ႇတၢင်ႇသႂ်ႇၵႃႈၼိူဝ်ၽႃႁိၼ်ၼၼ်ႉသေၵမ်းတီႈၶႃႈ။ တၢင်းဢၼ်ပွင်ႁဵတ်းၼၼ်ႉပဵၼ်ဢၼ်ၶိုၵ်ႉၶမ်ႇလႄႈၶိုၼ်ႈယႂ်ႇၶၼ်ၽႂ်းၼႃႇဢေႃႈ။