Ezra 8:22 — Compare Translations

2 translations compared side by side

လွင်ႈမၼ်းၸမ်ႉ ၵဝ်ဢူၵ်းဢၢႆလွင်ႈဢၼ်တၵ်းယွၼ်းဢဝ်တပ်ႉႁူဝ်ႁၢၼ်ၵူၼ်းသိုၵ်း၊ ႁူဝ်ႁၢၼ်ၶီႇမႃႉသေ တပ်ႉဢၼ်လႆႈၸွမ်းသူင်ႇႁဝ်း ႁႂ်ႈလႆႈၸွႆႈထႅမ်ႁၢမ်ႈတၢပ်ႈႁႄႉၶႅၼ်ရၢၼ်ႇသူႇ ၵႃႈတႃႈၵႃႈတၢင်းၼၼ်ႉ တီႈၶုၼ်ႁေႃၶမ်းၵွပ်ႈပိူဝ်ႈဢၼ် ႁဝ်းလႆႈလဝ်ႊလၢတ်ႈတီႈၶုၼ်ႁေႃၶမ်းဝႆႉလႄႈဝႃႈ၊ ၵျေးၸူးတၼ်းၶူဝ်းမိုဝ်းၽြႃးပဵၼ်ၸဝ်ႈႁဝ်းၶႃႈ မီးယူႇၵႃႈၼိူဝ်ၶဝ်ၵႃႈဢၼ်ဢွၼ်ၵၼ်ႁႃဢဝ်မၼ်းၸဝ်ႈ ပုၼ်ႈဢၼ်လီဢၼ်ငၢမ်းၼၼ်ႉတီႈၶႃႈဢေႃႈ။ တၼ်းၶူဝ်းမၼ်းၸဝ်ႈ ဢိၵ်ႇတင်း တၢင်းၸႂ်မႆႈၶႆႈၸႃႉမၼ်းၸဝ်ႈၸိူဝ်းၼၼ်ႉ ယူႇၽၢႆႇၼိုင်ႈတင်းၶဝ် ၵႃႈဢၼ်ၸုၼ်ႉပႅတ်ႈမၼ်းၸဝ်ႈၼၼ်ႉတီႈၶႃႈဢေႃႈ၊ ဝႃႈၼင်ႇၼႆဝႆႉၼၼ်ႉဢေႃႈ။-

လွင်ႈမၼ်းၸမ်ႉ၊ၵဝ်ဢူၵ်းဢၢႆလွင်ႈဢၼ်တၵ်းယွၼ်းဢဝ်တပ်ႉၵူၼ်းသိုၵ်း၊တပ်ႉၵူၼ်းၶီႇမႃႉသေတပ်ႉၼိုင်ႈၵႃႈတီႈၶုၼ်ႁေႃၶမ်း ႁႂ်ႈလႆႈၸွမ်းသူင်ႇႁဝ်းႁႂ်ႈလႆႈၸွႆႈထႅမ်ႁၢမ်ႈတၢပ်ႈႁႄႉၶႅၼ်ရၢၼ်ႇသူႇၵႃႈတီႈသဵၼ်ႈတၢင်းၼၼ်ႉ၊ၵွပ်ႈပိူဝ်ႈၵဝ်လႆႈလဝ်ႈလၢတ်ႈတီႈၶုၼ်ႁေႃၶမ်းဝႆႉလႄႈဝႃႈ၊ “ၽြႃးပဵၼ်ၸဝ်ႈပၼ်ၵျေးၸူးတၢင်းလီတီႈၵေႃႉဢၼ်ယုမ်ႇမၢတ်ႈဢိင်ပိုင်ႈမၼ်းၸဝ်ႈၼၼ်ႉလႄႈ၊တီႈၵေႃႉဢၼ်ၸုၼ်ႉပႅတ်ႈမၼ်းၸဝ်ႈၼၼ်ႉၸမ်ႉ၊မၼ်းၸဝ်ႈဢမ်ႇထုၵ်ႇၸႂ်ၵျိူၵ်ႈၸႂ်လႄႈပၼ်တၢမ်ႇတီႈၵေႃႉၼၼ်ႉဢေႃႈ၊” ဝႃႈၼင်ႇၼႆဝႆႉၼၼ်ႉဢေႃႈ။