Ezra 9:14 — Compare Translations

2 translations compared side by side

ပေႃးၶႃႈၸဝ်ႈႁဝ်းၶဝ်သမ်ႉၶိုၼ်းပူၼ်ႉလိူဝ်ပိင်းၺၢပ်ႈတြႃးၸဝ်ႈထႅင်ႈလႄႈ ႁူမ်ႈပွင်းလူၺ်ႈၵၼ်တင်း ၵူၼ်းမဵဝ်းဢၼ်ၸၢင်ႈႁဵတ်းလွင်ႈတၢင်းဢၼ်လီႁင်ႈဢဵတ်ႇသဵတ်ႇၸိူဝ်းၼႆႉၸိုင် တၢင်းၸႂ်မႆႈၶႆႈၸႃႉၸဝ်ႈႁဝ်း တၵ်းဢွၵ်ႇလႄႈယႃႉၽဵဝ်ႈၶႃႈၸဝ်ႈႁဝ်းၶဝ်ပႅတ်ႈ တေႃႇထိုင်ႁွတ်ႈထၼ်ႈပေႃး ဢမ်ႇႁႂ်ႈသေၵေႃႉသေၵူၼ်း လႆႈၵိုတ်းလႆႈၵျၢၼ်ႇ လႆႈၵၢင်းလႆႈလွတ်ႈ၊ ဢမ်ႇၸႂ်ႈတီႈၶႃႈႁိုဝ်။-

ပိူဝ်ႈၼႆလႄႈၶႃႈၸဝ်ႈႁဝ်းၶဝ်တၵ်းၸုၼ်ႉပႅတ်ႈပိင်းၺၢပ်ႈတြႃးၸဝ်ႈႁဝ်းထႅင်ႈလႄႈၵူပ်ႉၵူႈပဵၼ်ႁိူၼ်းလူၺ်ႈၵၼ်တင်းၶဝ်ၸိူဝ်းဢၼ်ၸၢင်ႈႁဵတ်းလွင်ႈတၢင်းဢၼ်လီႁင်ႈဢဵတ်ႇသဵတ်ႇၸိူဝ်းၼၼ်ႉလႆႈၸိူဝ်ႉၼင်ႇႁိုဝ်ၶႃႈ။ ပေႃးၶႃႈၸဝ်ႈႁဝ်းၶဝ်သမ်ႉယင်းႁဵတ်းၸိုင်၊ၸဝ်ႈႁဝ်းတၵ်းၸႂ်မႆႈၶႂ်ႈၸႃႉၼႃႇလူင်လၢင်လႄႈၸဝ်ႈႁဝ်းတၵ်းယႃႉၽဵဝ်ႈၶႃႈၸဝ်ႈႁဝ်းၶဝ်ပႅတ်ႈလုမ်းလုမ်း၊ဢမ်ႇႁႂ်ႈၵိုတ်းႁႂ်ႈၵျၢၼ်ႇသေၵေႃႉသေၵူၼ်းတီႈၶႃႈယဝ်ႉဢေႃႈ။-