Genesis 17:23 — Compare Translations

2 translations compared side by side

ဢႃႇပြႃႇႁၢမ်ႇ ၵေႃႈ ဢဝ်ၸႃႉၸဵမ်လုၵ်ႈၸၢႆးမၼ်း ဢီႉသမေႇလႃႉ လႄႈ ၶဝ်ၸိူဝ်းဢၼ်ၵိူတ်ႇလဵင်ႉမႃးၵႃႈတီႈႁိူၼ်းမၼ်းတင်းသဵင်ႈတင်းလူင် ဢိၵ်ႇတင်းၶဝ်ၸိူဝ်းဢၼ်မၼ်းဢဝ်ငိုၼ်းသိုဝ်ႉဝႆႉတင်းသဵင်ႈတင်းလူင် ဢၼ်ဝႃႈၵူၼ်းၸၢႆးဢၼ်ၸၢပ်ႈသႅင်ႇၵၼ်တင်းႁိူၼ်း ဢႃႇပြႃႇႁၢမ်ႇ တင်းသဵင်ႈတင်းလူင်ၸိူဝ်းၼၼ်ႉလႄႈ၊ ၼႂ်းဝၼ်းလဵဝ်ၼၼ်ႉၵူၺ်း၊ ပၼ်မင်ႇၵလႃႇ တၢင်းဢၼ်ထိူဝ်ႁိမ်းပၢႆၼင်ၸွမ်းၵႃႈၼင်ႇဢၼ်ၽြႃးပဵၼ်ၸဝ်ႈမီးဢမိင်ႉဝႆႉၼၼ်ႉဢေႃႈ။-

ၼႂ်းဝၼ်းၼၼ်ႉၵမ်းလဵဝ် ဢႃႇပြႃႇႁၢမ်ႇ၊ ႁဵတ်းၸွမ်းဢမိင်ႉၽြႃးပဵၼ်ၸဝ်ႈ၊ဢဝ်လုၵ်ႈၸၢႆးမၼ်း ဢိသမေႇလႃႉ၊ ဢိၵ်ႇတင်းၵႃႈဢၼ်ပဵၼ်ၵူၼ်းၸၢႆးဢၼ်မီးၼႂ်းႁိူၼ်းမၼ်း၊ၸႃႉၸဵမ်ၶႃႈဢၼ်ၵိူတ်ႇလဵင်ႉမႃးၵႃႈၼႂ်းၼႃႈႁိူၼ်းမၼ်း၊တင်းၶႃႈဢၼ်သိုဝ်ႉဢဝ်မႃးၵူႈၵေႃႉၵူႈၵူၼ်းၼၼ်ႉလႆႈၶၢမ်ႇဢဝ်တၢင်းဢၼ်ႁဵတ်းမၢင်ႇၵလႃႇပၢတ်ႇပၢႆၼင်သေဢေႃႈ။-