Genesis 20:7 — Compare Translations

2 translations compared side by side

တေႃႈလဵဝ်ၼႆႉ ဢဝ်မေးမၼ်းၼၼ်ႉ ၶိုၼ်းပၼ်တီႈမၼ်းသေ။ မၼ်းပဵၼ်ပရေႃးၽႅတ်ႈဢေႃႈ။ မၼ်းတၵ်းသူးတွင်းပုၼ်ႈမႂ်းလႄႈ ဢသၢၵ်ႈမႂ်းတၵ်းလႆႈၵတ်းယဵၼ်ၶျၢမ်းသႃႇဢေႃႈ။ ပေႃးမႂ်းယင်းဢမ်ႇၶိုၼ်းပၼ်လႄႈယူႇၸိုင် ၸႃႉၸဵမ်မႂ်းလႄႈၶဝ်ၸိူဝ်းဢၼ်ၸၢပ်ႈသႅင်ႇၵၼ်တင်းမႂ်းတင်းသဵင်ႈတင်းလူင် တၵ်းလႆႈတၢႆဢမၢၼ်ႇၶၼ်ပဵၼ်ဢေႃႈ၊ ဝႃႈၼင်ႇၼႆဢေႃႈ။

တေႃႈလဵဝ်ၼႆႉဢဝ်ၽူႈယိင်းၼၼ်ႉၶိုၼ်းဢၢပ်ႈပၼ်တီႈၽူဝ်မၼ်းတႃႉ။ ၽူဝ်မၼ်းၼၼ်ႉပဵၼ်ပရေႃးၽႅတ်ႈ လႄႈမၼ်းတၵ်းတေသူးတွင်းပုၼ်ႈမႂ်းႁႂ်ႈမႂ်းလႆႈလွတ်ႈတၢင်းတၢႆဢေႃႈ။ ပေႃးမႂ်းယင်းဢမ်ႇၶိုၼ်းဢၢပ်ႈၸိုင်၊ၸႃႉၸဵမ်မႂ်းလႄႈၵူၼ်းမႂ်းတင်းလၢႆတၵ်းတေလႆႈတၢႆဢေႃႈ၊” ဝႃႈၼင်ႇၼႆဢေႃႈ။