Genesis 34:21 — Compare Translations

2 translations compared side by side

ၵူၼ်းၸိူဝ်းၼႆႉထုၵ်ႇမေႃၵၼ်တင်းႁဝ်းယဝ်ႉ။ ပိူဝ်ႈၼႆလႄႈ ႁႂ်ႈၶဝ်ယူႇၵႃႈတီႈမိူင်းႁဝ်းၼႆႉလႄႈ ႁဵတ်းလွင်ႈသိုဝ်ႉပိူင်ၶၢႆသေၵမ်း။ တူၺ်းလူး၊ မိူင်းႁဝ်းၼႆႉၵႂၢင်ႈထၼ်ႈပေႃး ၶဝ်တၵ်းယူႇဢေႃႈ။ ဢွၼ်ၵၼ်ဢဝ်လုၵ်ႈယိင်းၶဝ်တင်းလၢႆလႄႈ ပဵၼ်ႁိူၼ်းပဵၼ်ယေး လူၺ်ႈၵၼ်တႃႉႁဝ်း။ လုၵ်ႈယိင်းႁဝ်းတင်းလၢႆၵေႃႈ ဢွၼ်ၵၼ်ဢၢပ်ႈပၼ်တီႈၶဝ်တႃႉႁဝ်း။-

“ၵူၼ်းၸိူဝ်းၼႆႉထုၵ်ႇမေႃၵၼ်တင်းႁဝ်းဢေႃႈ။ ပိူဝ်ႈၼႆလႄႈႁႂ်ႈၶဝ်ယူႇလူၺ်ႈၵၼ်တင်းႁဝ်းၼႂ်းမိူင်းႁဝ်းၼႆႉသေလႄႈႁႂ်ႈၶဝ်ၵႂႃႇမႃးလွတ်ႈလွတ်ႈလႅဝ်းလႅဝ်းတႃႉႁဝ်း။ မိူင်းႁဝ်းၵႂၢင်ႈပုၼ်ႈၶဝ်ပေႃးတေယူႇသဝ်းလႆႈဢေႃႈ။ ဢွၼ်ၵၼ်ဢဝ်လုၵ်ႈယိင်းၶဝ်လႄႈတႄႇၼႃႈႁိူၼ်းတႃယေးလူၺ်ႈၵၼ်တႃႉႁဝ်း။ လုၵ်ႈယိင်းႁဝ်းတင်းလၢႆၵေႃႈပၼ်ႁႂ်ႈၶဝ်ဢဝ်တႃႉ။-