Genesis 38:11 — Compare Translations

2 translations compared side by side

မိူဝ်ႈၼၼ်ႉ ယူႉတႃႉ လၢတ်ႈတီႈလုၵ်ႈပႂ်ႉမၼ်း တႃႇမႃႇ ၼၼ်ႉလႄႈဝႃႈ၊ ၸူဝ်ႈဢၼ်လုၵ်ႈၸၢႆးၵဝ် သေးလႃႉ ဢမ်ႇပႆႇယႂ်ႇမႃးၼၼ်ႉၸိုင်၊ မႂ်းႁဵတ်းမႄႈမူၵ်းမႄႈမၢႆႈလႄႈ ယူႇၵႃႈတီႈႁိူၼ်းပေႃႈမႂ်းလူးၵွၼ်ႇတႃႉ၊ ဝႃႈၼင်ႇၼႆဢေႃႈ။ လွင်ႈမၼ်းၸမ်ႉ မၼ်းဝႃႈ၊ ၵူဝ်မၼ်းတၵ်းတၢႆမိူၼ်ၸိူဝ်ႉၼင်ႇပီႈဢၢႆႈမၼ်းၸိူဝ်းၼၼ်ႉဢေႃႈ၊ ဝႃႈၼင်ႇၼႆဢေႃႈ။ ၵမ်းၼၼ်ႉ တႃႇမႃႇ မိူဝ်းၵႂႃႇလႄႈ ယူႇၵႃႈတီႈႁိူၼ်းပေႃႈမၼ်းဢေႃႈ။

မိူဝ်ႈၼၼ်ႉ၊ ယုတႃႉ၊ လၢတ်ႈတီႈလုၵ်ႈပႂ်ႉမၼ်းလႄႈဝႃႈ၊ “ၸူဝ်ႈဢၼ်လုၵ်ႈၸၢႆးၵဝ် သေးလႃႉ၊ ယင်းဢမ်ႇပႆႇယႂ်ႇမႃးၸိုင်၊ၶိုၼ်းမိူဝ်းၸူးတီႈပေႃႈမႂ်းလႄႈႁဵတ်းမႄႈမၢႆႈပႂ်ႉယူႇၵႂႃႇၵွၼ်ႇတႃႉ၊” ဝႃႈၼင်ႇၼႆဢေႃႈ။ မၼ်းလၢတ်ႈၸိူဝ်ႉၼင်ႇၼႆၵွပ်ႈပိူဝ်ႈၵူဝ် သေးလႃႉ၊ လႆႈတၢႆမိူၼ်ပီႈဢၢႆႈမၼ်းၸိူဝ်းၼၼ်ႉၼၼ်ႉဢေႃႈ။ တႃႇမႃႇ၊ ၵေႃႈမိူဝ်းၵႂႃႇဢေႃႈ။