Genesis 40:13 — Compare Translations

2 translations compared side by side

ပေႃးလႆႈသၢမ်ဝၼ်းယဝ်ႉ၊ ၶုၼ်ႁေႃၶမ်း ၽႃႇရေႃး တၵ်းၶိုၼ်းယုၵ်ႉယွင်ႈႁူဝ်ၸဝ်ႈလႄႈ ၶိုၼ်းပၼ်ဢရႃႇၸဝ်ႈၸိူဝ်ႉၼင်ႇပၵ်းၵဝ်ႇ ပိူင်ၵဝ်ႇၼၼ်ႉဢေႃႈ။ ၸဝ်ႈသမ်ႉတၵ်းလႆႈၶိုၼ်းသၢၵ်ႈၵွၵ်းၶုၼ်ႁေႃၶမ်း ၽႃႇရေႃး ၵႃႈၼႂ်းမိုဝ်းမၼ်းၸဝ်ႈၼၼ်ႉ မိူၼ်ၸိူဝ်ႉၼင်ႇ ပၵ်းၵဝ်ႇ ပိူင်ၵဝ်ႇ မိူဝ်ႈဢၼ်ၸဝ်ႈလႆႈပဵၼ် ဝုၼ်ႇသၢၵ်ႈၵွၵ်းၵိၼ်ၸဝ်ႈမိူဝ်ႈဢွၼ်ၼႆႉၼၼ်ႉဢေႃႈ။-

မိူဝ်ႈထူၼ်ႈသၢမ်ဝၼ်းမႃးၼၼ်ႉၶုၼ်ႁေႃၶမ်းတၵ်းပွႆႇၶႂၢင်းၸဝ်ႈလႄႈၶိုၼ်းဢၢပ်ႈပၼ်ဢရႃႇၸဝ်ႈမိူၼ်မိူဝ်ႈၵွၼ်ႇဢေႃႈ။ ၸဝ်ႈသမ်ႉတေလႆႈၶိုၼ်းထၢမ်းၼႃႈၵၢၼ်ပုၼ်ႈၽွၼ်းဢၼ်သၢၵ်ႈၵွၵ်းၼမ်ႉၶုၼ်ႁေႃၶမ်းမိူၼ်မိူဝ်ႈၵွၼ်ႇဢၼ်ၸဝ်ႈလႆႈပဵၼ်ဝုၼ်ႇသၢၵ်ႈၼမ်ႉမၢၵ်ႇၸပိတ်ႉၸဝ်ႈမႃးၼၼ်ႉဢေႃႈ။-