Genesis 40:8 — Compare Translations

2 translations compared side by side

ၶဝ်ၼၼ်ႉၵေႃႈလၢတ်ႈလႄႈဝႃႈ၊ ႁဝ်းလႆႈၼွၼ်းၽၼ်ႁၼ်ယဝ်ႉ။ ၵေႃႉဢၼ်တၵ်းၽုၺ်ႇဢွၵ်ႇၼႄပျႃးဢထိၵ်ႈပႄႇမၼ်းဢမ်ႇမီး၊ မိူဝ်ႈဢၼ်ဝႃႈၼင်ႇၼႆၸိုင်၊ ယူဝ်းသႅပ်ႈ ၵေႃႈလၢတ်ႈတီႈသွင်ၶႃၼၼ်ႉလႄႈဝႃႈ၊ ဢၼၢၵ်ႈဢထိၵ်ႈပႄႇမၼ်းတင်းလၢႆၸိုင် ၸၢပ်ႈသႅင်ႇၵၼ်တင်း ၽြႃးပဵၼ်ၸဝ်ႈဢမ်ႇၸႂ်ႈႁိုဝ်။ ပိူဝ်ႈၼႆလႄႈ ၶႅၼ်းတေႃႈမွၵ်ႇလၢတ်ႈလွင်ႈမၼ်းပၼ်တီႈၵဝ်ၶႃႈသေၵမ်း၊ ဝႃႈၼင်ႇၼႆဢေႃႈ။

ၶဝ်ၶိုၼ်းလၢတ်ႈလႄႈဝႃႈ၊ “ႁဝ်းလႆႈၼွၼ်းၽၼ်ႁၼ်လႄႈဢမ်ႇမီးၽူႈလႂ်တေလၢတ်ႈၼႄဢၼၢၵ်ႈဢထိၵ်ႈပႄႇမၼ်းလႆႈ၊” မိူဝ်ႈဢၼ်ဝႃႈၼင်ႇၼႆၸိုင်၊ ယူဝ်းသႅပ်ႈ၊ ၶိုၼ်းလၢတ်ႈလႄႈဝႃႈ၊ “ၽြႃးပဵၼ်ၸဝ်ႈၸၢင်ႈပၼ်တၢင်းႁုပိင်ႇၺႃႇဢၼ်တၵ်းႁေႃးၼႄဢထိၵ်ႈပႄႇတၢင်းၼွၼ်းၽၼ်ႁၼ်ၼၼ်ႉလႆႈဢေႃႈ။ ႁေႃးမွၵ်ႇၼႄတၢင်းၽၼ်ႁၼ်သူၸဝ်ႈသေၵမ်းၶႃႈ၊” ဝႃႈၼင်ႇၼႆဢေႃႈ။