Genesis 47:29 — Compare Translations

2 translations compared side by side

ဢီႉသရေႇလႃႉ ၼၼ်ႉ၊ မိူဝ်ႈဢၼ်ၶိင်ႇဢၼ်မၼ်း တၵ်းလႆႈတၢႆၼၼ်ႉၸမ်မႃးၼၼ်ႉၸိုင်၊ ႁွင်ႉဢဝ် ယူဝ်းသႅပ်ႈ လုၵ်ႈၸၢႆးမၼ်းလႄႈ လၢတ်ႈဝႃႈ၊ ပေႃးၵဝ်လႆႈထူပ်းၵျေးၸူး သိုဝ်ႈၼႃႈတႂ်ႈတႃမႂ်းၸိုင်၊ ဢဝ်မိုဝ်းမႂ်းဝႆႉၵႃႈတႂ်ႈၶႃၵဝ်တႃႉ။ မီးတင်းၵရူႉၼႃႇတင်းသဵတ်ႈၸႃႇ ႁဵတ်းတီႈၵဝ်တႃႉ။ ၶႅၼ်းတေႃႈယႃႇပေသၢင်းၵျူဝ်ႇၵဝ် ၵႃႈတီႈမိူင်း ဢေႇၵိပ်ႉတူႉ ၼႆႉ။-

မိူဝ်ႈဢၼ်ၶိင်ႇဝၼ်းတၢႆမၼ်းၸမ်မႃးၼၼ်ႉမၼ်းႁွင်ႉလုၵ်ႈၸၢႆးမၼ်း ယူဝ်းသႅပ်ႈ၊ မႃးလႄႈသင်ႇလၢတ်ႈဝႆႉလႄႈဝႃႈ၊ “ပေႃးမႂ်းမီးသၽေႃးဢၼ်ၽွမ်ႉၵဝ်ၸိုင်၊ဢဝ်မိုဝ်းမႂ်းသွၼ်ႈဝၢင်ႈၶႃ ၵဝ်ဝႆႉလႄႈတိူင်ႇၵႂၢမ်းသဵတ်ႈၸႃႇၵႃႈတီႈၵဝ်တႃႉ။ ယႃႇပေသၢင်းၵျူဝ်ႇၵဝ်ၵႃႈတီႈမိူင်း ဢေးၵျိပ်ႉ၊ ၼႆႉ။-