Genesis 8:21 — Compare Translations

2 translations compared side by side

ထႃႇဝရႃႉၽြႃးၵေႃႈ ၶၢမ်ႇဢဝ်ဢၢႆဢၼ်ႁွမ်ဢၼ်ႁူၺ်းသေလႄႈ လၢတ်ႈၼႂ်းၸႂ်လႄႈဝႃႈ၊ ၵမ်းလိုၼ်းၵဝ်တၵ်းဢမ်ႇၵိၼ်ႇဢမ်ႇဝႃႈလိၼ်မိူင်းၵွပ်ႈပိူဝ်ႈၵူၼ်း။ လွင်ႈမၼ်းၸမ်ႉ ၵူၼ်းတင်းလၢႆၸိုင်၊ တၢင်းၵျၢမ်ႇတၢင်းပွင်ႁူဝ်ၸႂ်ႁၢႆႉမိူၵ်ႈ ၸႃႉၸဵမ်မိူဝ်ႈဢၼ်ယင်းလဵၵ်ႉၼၼ်ႉဢေႃႈ။ ၸိူဝ်ႉၼင်ႇဢၼ်ၵဝ်ႁဵတ်းမႃးယဝ်ႉပွၵ်ႈၼိုင်ႈၼၼ်ႉ၊ ၵဝ်တၵ်းဢမ်ႇပၼ်တၢမ်ႇတီႈၶဝ်ၸိူဝ်းဢၼ်ဢသၢၵ်ႈလိပ်းယူႇတင်းသဵင်ႈတင်းလူင်ၼၼ်ႉ။-

ဢၢႆႁွမ်ဢၢႆႁူၺ်းတူဝ်တၢင်းလူႇၼၼ်ႉထုၵ်ႇၸႂ် ထႃႇဝရႃႉၽြႃး၊ လႄႈမၼ်းၸဝ်ႈလၢတ်ႈၼႂ်းၸႂ်လႄႈဝႃႈ၊ “ၵမ်းလိုၼ်းၵဝ်တၵ်းဢမ်ႇၵိၼ်ႇဢမ်ႇဝႃႈလိၼ်မိူင်းထႅင်ႈၵွပ်ႈပိူဝ်ႈတၢင်းႁဵတ်းၵူၼ်းၼၼ်ႉယဝ်ႉ။ ၵူၼ်းၸိုင်၊ၸဵမ်မိူဝ်ႈယင်းလဵၵ်ႉယင်းဢွၼ်ႇၼၼ်ႉၵေႃႈၸၢင်ႈၶႆႈၸႂ်ၵျၢမ်ႇပွင်ဢၼ်ႁၢႆႉဢၼ်မိူၵ်ႈၼၼ်ႉၵဝ်ႁုယဝ်ႉ။ ၸိူဝ်ႉၼင်ႇဢၼ်ၵဝ်ႁဵတ်းယဝ်ႉၵႂႃႇၼႆႉ ၵမ်းလိုၼ်းၵဝ်တၵ်းဢမ်ႇယႃႉၽဵဝ်ႈသတ်ႉတဝႃႇဢၼ်ဢသၢၵ်ႈလိပ်းတင်းသဵင်ႈတင်းလူင်ၸိူဝ်းၼႆႉထႅင်ႈယဝ်ႉ။-