Genesis 9:2 — Compare Translations

2 translations compared side by side

တရိၵ်ႈသၢၼ်ႇဢၼ်မီးၵႃႈၼိူဝ်လိၼ်ၵူႈၸိူဝ်ႉၵူႈမဵဝ်း ဢိၵ်ႇတင်းၼူၵ်ႉၵၢင်ႁၢဝ်ၵူႈၸိူဝ်ႉၵူႈမဵဝ်းတင်းသဵင်ႈတင်းလူင် တၵ်းလႆႈမီးသၽေႃးဢၼ်ၵူဝ်ဢၼ်ႁႄ ၵႃႈတီႈၽၢႆႇၼႃႈသူဢေႃႈ။ ၵဝ်ဢဝ်ၸႃႉၸဵမ်ၶဝ်လႄႈ ၵႃႈဢၼ်ၸၢင်ႈတူင်ႉၸၢင်ႈၼိုင်ၵႃႈၼိူဝ်လိၼ် ဢိၵ်ႇတင်းပႃပၢင်ႇလၢႆႇတင်းသဵင်ႈတင်းလူင်ဢၢပ်ႈပၼ်ၵႃႈၼႂ်းမိုဝ်းသူဢေႃႈ။-

တူဝ်သတ်းၵူႈၸိူဝ်ႉၵူႈမဵဝ်းၸႃႉၸဵမ်ၼူၵ်ႉၵူႈမဵဝ်း ဢိၵ်ႇတင်းပႃဢၼ်မီးၼႂ်းၼမ်ႉၵူႈၸိူဝ်ႉၵူႈပိူင်ၵႃႈမီးတင်းသဵင်ႈတင်းလူင်တၵ်းလႆႈၵူဝ်ႁႄသူဢေႃႈ။ ၵဝ်ဢဝ်ၵႃႈမီးတင်းသဵင်ႈတင်းလူင်ဢၼ်ၸၢင်ႈတူင်ႉၸၢင်ႈၼိုင်ယူႇၸိူဝ်းၼၼ်ႉဢၢပ်ႈပၼ်ၵႃႈၼႂ်းမိုဝ်းသူႁႂ်ႈသူလႆႈဢုပ်ႉပိူင်ႇဢေႃႈ။-