Hebrews 4:3 — Compare Translations

2 translations compared side by side

ႁဝ်းၸမ်ႉ၊ ပဵၼ်ၵေႃႉဢၼ်ယုမ်ႇမၢတ်ႈလႄႈ ၶဝ်ႈၵႃႈၼႂ်းၵတ်းယဵၼ်ၶျၢမ်းသႃႇၼၼ်ႉဢေႃႈ။ ၼင်ႇၼၼ်လႄႈ ပျႃႇတိၵ်ႈၸဝ်ႈမီးဝႆႉလႄႈဝႃႈၸမ်ႉ၊ ၵဝ်ၸႂ်မႆႈၶႆႈၸႃႉလႄႈတိူင်ႇဝႃႈ၊ ၶဝ်ဢမ်ႇလႆႈၶဝ်ႈၵႃႈၼႂ်းၵတ်းယဵၼ်ၶျၢမ်းသႃႇၵဝ်၊ ဝႃႈၼင်ႇၼႆဢေႃႈ။ မိူဝ်ႈဢၼ်ဝႃႈၵတ်းယဵၼ်ၶျၢမ်းသႃႇၼၼ်ႉၸိုင် ၶႂ်ႈဝႃႈၵတ်းယဵၼ်ၶျၢမ်းသႃႇတၢင်းဢၼ်ဢမူႉလွင်ႈတၢင်းတင်းသဵင်ႈတင်းလူင်ယဝ်ႉၸွတ်ႇတူဝ်ႈလႄႈ မၼ်းၸဝ်ႈယူႇၼိမ်ၼိမ်ယူႇ ၸဵမ်မိူဝ်ႈၵမ်ႇၽႃႇၸႃႉတႄႇၼၼ်ႉဢေႃႈ။-

ပိူဝ်ႈၼႆလႄႈႁဝ်းၸိူဝ်းဢၼ်ယုမ်ႇမၢတ်ႈၼႆႉ၊လႆႈၶဝ်ႈတီႈၵိုတ်းၼိမ်ယဝ်ႉ၊မႅၼ်ႈၸွမ်းၼင်ႇဢၼ်မၼ်းၸဝ်ႈလၢတ်ႈလႄႈဝႃႈ၊ “ၵဝ်ၸႂ်မႆႈၶႂ်ႈၸႃႉတီႈၶဝ်လႄႈတိူင်ႇဝႃႈ၊ ‘ၶဝ်တေဢမ်ႇလႆႈၶဝ်ႈလိုဝ်ႈသဝ်းၵႃႈတီႈဢၼ်ၵဝ်တၵ်းပၼ်ႁႂ်ႈၶဝ်ယူႇၼိမ်ၼိမ်ၼၼ်ႉ၊’ ဝႃႈၼင်ႇၼႆယဝ်ႉ။” ဝႃႈၼင်ႇၼႆၼၼ်ႉဢေႃႈ။ မၼ်းၸဝ်ႈလၢတ်ႈၵႂၢမ်းၶေႃႈၼႆႉ၊ပိၵ်ႉသမ်ႉၵၢၼ်ငၢၼ်းမၼ်းၸဝ်ႈလႆႈယဝ်ႉတူဝ်ႈလီငၢမ်းၸဵမ်မိူဝ်ႈၶိင်ႇၵႃႇလႃႉဢၼ်မၼ်းၸဝ်ႈၽၢၼ်ႇသၢင်းႁဵတ်းပဵၼ်လိၼ်မိူင်းယဝ်ႉၼၼ်ႉဢေႃႈ။-