Hebrews 9:4 — Compare Translations

2 translations compared side by side

ၵႃႈၼႂ်းသုမ်ႉထဵင်ၸဝ်ႈၼၼ်ႉ မီးပၢၼ်ႉၶမ်းတင်းတိူၵ်ႈတႃႇပတီႉၺိၺ်ႇတြႃး ဢၼ်ဢဝ်ၶမ်းဢုမ်ႇႁေႃႇဝႆႉဢေႃႈ။ ၼႂ်းတိူၵ်ႈတႃႇၼၼ်ႉ မီးမေႃႈၶမ်းဢၼ်ဢဝ် မၼ်ႇၼႃႉ သႂ်ႇဝႆႉ ဢိၵ်ႇတင်းၶွၼ်ႉတဝ်ႉ ဢႃႇရုၼ်ႇ ဢၼ်မွၵ်ႇမွၵ်ႇ၊ တင်းၶႅပ်းမၢၵ်ႇႁိၼ် ဢၼ်ဢဝ်ပတီႉၺိၺ်ႇတြႃး တႅမ်ႈသႂ်ႇဝႆႉၸိူဝ်းၼၼ်ႉဢေႃႈ။-

ၵႃႈၼႂ်းသုမ်ႉထဵင်ၸဝ်ႈၼၼ်ႉ၊မီးၶဵင်ႇဢၼ်ဢဝ်တင်းၶမ်းႁဵတ်းဝႆႉ၊ပုၼ်ႈတႃႇတၵ်းတုတ်ႇဢၢႆႁွမ်၊ဢိၵ်ႇတင်းမီးတိူၵ်ႈပတိၺိၺ်ႇၸဝ်ႈဢၼ်ဢဝ်တင်းၶမ်းဢုမ်ႇလႄႈၵႃႈၼႂ်းတိူၵ်ႈပတိၺိၺ်ႇၸဝ်ႈၼၼ်ႉ၊မီးမေႃႈၶမ်းဢၼ်ဢဝ်ၶဝ်ႈမုၼ်း မၼ်ႇၼႃႉ၊ သႂ်ႇဝႆႉ၊မီးၶွၼ်ႉတဝ်ႉ ဢႃႇရုၼ်ႇ၊ ဢၼ်ပူင်ႇယွတ်ႈဝႆႉ၊ဢိၵ်ႇတင်းၶႅပ်းမၢၵ်ႇႁိၼ်သွင်ၶႅပ်းဢၼ်တႅမ်ႈပိင်းၺၢပ်ႈတြႃးၸဝ်ႈဝႆႉၼၼ်ႉဢေႃႈ။-