Hosea 10:8 — Compare Translations

2 translations compared side by side

ထႃႇၼႃႉတီႈသုင်ဝဵင်း ဢႃႇဝိၼ်ႇ တီႈဢၼ် ဢီႉသရေႇလႃႉ ၽိတ်းပိူင်ႈၸိူဝ်းၼၼ်ႉ တၵ်းလႆႈၶၢမ်ႇတၢင်းဢၼ် ၵိူၼ်ႇတူၵ်းပႅတ်ႈလႄႈ တူၼ်ႈၼၢမ်ၵူႈၸိူဝ်ႉၵူႈပိူင် ႁူမ်ႇသုမ်ႇယိတ်ႈပလၢင်ႇ ၶဝ်ၸိူဝ်းၼၼ်ႉဢေႃႈ။ ၶဝ်ၼၼ်ႉတၵ်းလႆႈဢွၼ်ၵၼ် ႁွင်ႉၸူးတီႈလွႆတင်းလၢႆ လႄႈဝႃႈ၊ ဢွၼ်ၵၼ်ႁူမ်ႇသုမ်ႇႁဝ်းသေၵမ်း၊ တီႈၵုင်းတင်းလၢႆလႄႈဝႃႈ၊ ဢွၼ်ၵၼ်တူၵ်းသႂ်ႇ ၵႃႈၼိူဝ်ႁဝ်းသေၵမ်း၊ ဝႃႈၼင်ႇၼႆဢေႃႈ။

ထႃႇၼႃႉတီႈသုင်ဝဵင်း ဢႃႇဝိၼ်ႇ၊ ၵႃႈၼိူဝ်ပၢႆၸိၵ်းလွႆတင်းလၢႆတီႈဢၼ်ၵူၼ်း ဢိသရေး၊ ဝႆႈသႃႁုၼ်ႇႁၢင်ႈသၢင်းထုၼၼ်ႉတၵ်းလႆႈၶၢမ်ႇတၢင်းဢၼ်ၵိူၼ်ႇယႃႉပႅတ်ႈသေလႄႈတူၼ်ႈၼၢမ်ၶိူဝ်းၼၢမ်တၵ်းလႆႈဢွၵ်ႇၵႃႈၼိူဝ်ၶဵင်ႇတၢင်းလူႇၶဝ်တင်းလၢႆဢေႃႈ။ ၵူၼ်းတင်းလၢႆတၵ်းႁွင်ႉၸူးတီႈလွႆတင်းလၢႆလႄႈဝႃႈ၊ “ႁူမ်ႇသုမ်ႇႁဝ်းသေၵမ်း၊” ဝႃႈၼႆလႄႈ၊သမ်ႉဝႃႈတီႈၵုင်းတင်းလၢႆလႄႈဝႃႈ၊ “တူၵ်းတဵင်သႂ်ႇႁဝ်းသေၵမ်း၊” ဝႃႈၼင်ႇၼႆဢေႃႈ။