Hosea 7:1 — Compare Translations

2 translations compared side by side

မိူဝ်ႈဢၼ်ၵဝ် ႁဵတ်းႁႂ်ႈတၢင်းၸဵပ်း တၢင်းသႅပ်ႇ ဢီႉသရေႇလႃႉ ႁၢႆၼၼ်ႉၸိုင် ဢပႅတ်ႈ ဢေႇၽရိမ်ႇ ဢိၵ်ႇတင်း လွင်ႈတၢင်းဢၼ်ႁၢႆႉမိူၵ်ႈ ဢၼ် သမႃႇရီႉ ႁဵတ်းၼၼ်ႉ ထၢင်ႇသႃးပေႃႇမႃးဢေႃႈ။ ၶဝ်ၼၼ်ႉ ႁဵတ်းတၢင်းဢၼ် ပႅတ်ႉလႅၼ်ယဝ်ႉ။ ၽူႈလၵ်ႉၸၢင်ႈၶဝ်ႈ ၽၢႆႇတၢင်းၼႂ်းလႄႈ မုၵ်ႉၸူၼ်ၸိူဝ်းၸူၼ်ၼၼ်ႉ ၸၢင်ႈတိုၵ်းတေႃး ၽၢႆႇတၢင်းၼွၵ်ႈဢေႃႈ။-

“ၼႂ်းမိူဝ်ႈဢၼ်ၵဝ်ဢၢင်ႈဢၢၼ်းတၵ်းယူတ်းယႃၵူၼ်းၵဝ်မဵဝ်း ဢိသရေး၊ လႄႈႁႂ်ႈၶဝ်ၶိုၼ်ႈယႂ်ႇမႂ်ႇသုင်မႃးၼၼ်ႉၵူႈပွၵ်ႈ၊ၵႃႈဢၼ်ၵဝ်လႆႈႁၼ်ၸမ်ႉ၊ပဵၼ်တၢင်းဢၼ်ၶဝ်ၵမ်ၵျၢင်ႉဢမ်ႇလီဢမ်ႇငၢမ်း၊ဢိၵ်ႇတင်းတၢင်းဢၼ်ၶဝ်ႁၢႆႉမိူၵ်ႈၼၼ်ႉၵူၺ်းၵူၺ်းဢေႃႈ။ ၶဝ်ၼၼ်ႉၵေႃႉၼိုင်ႈလႄႈၵေႃႉၼိုင်ႈပႅတ်ႉလႅၼ်ၵၼ်၊ယႃႉႁိူၼ်းပိူၼ်ႈလႄႈလၵ်ႉဢဝ်ၶူဝ်းၶွင်ပိူၼ်ႈ၊ၸူၼ်ပိူၼ်ႈၼႂ်းၵၢင်တႃႈၵၢင်တၢင်းဢေႃႈ။-