Isaiah 10:13 — Compare Translations

2 translations compared side by side

မၼ်းၼၼ်ႉလၢတ်ႈလႄႈဝႃႈ၊ ၵဝ်ၼႆႉၵွပ်ႈပိူဝ်ႈတၢင်းၵတ်ႉတၢင်းၶၼ်မိုဝ်းၵဝ်ဢိၵ်ႇတင်း ၺၢၼ်ႇၵဝ်လႄႈတၢတ်ႈၼိူင်ႇလႆႈဢေႃႈ။ ၵဝ်ပျေႉၸုမ်ႇတင်းပိင်ႇၺႃႇသတီႉလႄႈ ၵဝ်ၶၢႆႉတီႈဢၼ်ၶၼ်ႈဢၼ်ၶႅၼ်ႈတီႈယူႇမဵဝ်းၵူၼ်းတင်းလၢႆယဝ်ႉ။ ၵဝ်ႁိမ်ဢဝ်ၽၼ်ႇတႃႇ ဢုၵ်ႉၸႃႇၶဝ်လႄႈ ၶျႃးၵူၼ်းဝၢၼ်ႈၵူၼ်းမိူင်းတင်းလၢႆတူၵ်း မိူၼ်ၸိူဝ်ႉၼင်ႇ ၵူၼ်းသိုၵ်းၼၼ်ႉယဝ်ႉ။-

ၶုၼ်ႁေႃၶမ်းမိူင်း ဢႃႇသီးရီးယႃး၊ ယင်းလၢတ်ႈၵႂၢမ်းဢုပ်ႇဝၢဝ်းလႄႈဝႃႈ၊ “ၵဝ်ႁဵတ်းၸိူဝ်ႉၼင်ႇၼႆလႆႈၵွပ်ႈပိူဝ်ႈတၢင်းၵတ်ႉတၢင်းၶၼ်တူဝ်ၸဝ်ႈၵဝ်ႇဢေႃႈ။ ၵဝ်ၼႆႉမီးႁႅင်းတၼ်းၶူဝ်း၊မီးၺၢၼ်ႇလႄႈလၵ်းလႅမ်ဢေႃႈ။ ၵဝ်ပတ်းၽဵဝ်ႈပႅတ်ႈလႅၼ်လိၼ်ဢၼ်ၶၼ်ႈၶႅၼ်ႈတီႈယူႇမဵဝ်းၵူၼ်းတင်းလၢႆပႅတ်ႈယဝ်ႉလႄႈႁိမ်ဢဝ်ၽၼ်ႇတႃႇဢုၵ်ႉၸႃႇၸိူဝ်းဢၼ်ၶဝ်သိမ်းဝႆႉၼႂ်းယွင်ၼႂ်းယေးၶဝ်ၼၼ်ႉယဝ်ႉ။ ၵဝ်ၼႆႉပဵၼ်ၸိူဝ်ႉၼင်ႇဝူဝ်းငၢၼ်ဢၼ်ယဵပ်ႇယမ်ႈၵူၼ်းၸိူဝ်းဢၼ်ယူႇသဝ်းၵႃႈတီႈၼၼ်ႈဢေႃႈ။-