Isaiah 13:21 — Compare Translations

2 translations compared side by side

တူဝ်ထိူၼ်ႇႁၢႆႉတင်းလၢႆ တၵ်းဢွၼ်ၵၼ်ၼွၼ်းၵႃႈတီႈၼၼ်ႈလႄႈ ႁိူၼ်းၶဝ်ၼၼ်ႉတၵ်းတဵမ်ဝႆႉတင်းတရိၵ်ႈသၢၼ်ႇ ဢၼ်ႁွင်ႉဢၼ်ၶၢင်းဢေႃႈ။ ၼူၵ်ႉၵလႃးဢုၵ်ႉတင်းလၢႆ တၵ်းတူၵ်းတီႈတူၵ်းလႅၼ်ယူႇလႄႈ ပႄႉထိူၼ်ႇတင်းလၢႆတၵ်းဢွၼ်ၵၼ်ၵႃႈဝႅၼ်ဢေႃႈ။-

မၼ်းတၵ်းပဵၼ်တီႈဢၼ်တူဝ်ထိူၼ်ႇႁၢႆႉတင်းလၢႆယူႇလႄႈၼူၵ်ႉၵဝ်ႉလႂ်တၵ်းႁဵတ်းႁၢင်းဢေႃႈ။ ၼူၵ်ႉၵလႃႇဢုၵ်ႈလႂ်တၵ်းယူႇၵႃႈတီႈၼၼ်ႈလႄႈပႄႉထိူၼ်ႇလႂ်တၵ်းတဵၼ်ႈဝႅၼ်ၸွမ်းတီႈဢၼ်လုဢၼ်လႅဝ်ၼၼ်ႉဢေႃႈ။-