Isaiah 28:7 — Compare Translations

2 translations compared side by side

ၼႂ်းဝႃႈၼၼ်သေၵေႃႈ ၶဝ်ၼၼ်ႉၽိတ်းပိူင်ႈၵွပ်ႈပိူဝ်ႈၼမ်ႉၸပိတ်ႈလႄႈ ပိူင်ႈတၢင်းၵႂႃႇၵွပ်ႈပိူဝ်ႈၼမ်ႉလဝ်ႈၼမ်ႉၵမ်ယဝ်ႉ။ ယိတ်ႈပရေႃးႁဵၵ်ႈ ဢိၵ်ႇတင်းပရေႃးၽႅတ်ႈ ၸိူဝ်းၼၼ်ႉ ၽိတ်းပိူင်ႈၵွပ်ႈပိူဝ်ႈၼမ်ႉလဝ်ႈၼမ်ႉၵမ်ယဝ်ႉ။ ၸူမ်ၵႅၼ်ႉလူၺ်ႈၼမ်ႉၸပိတ်ႈယဝ်ႉ။ ပိူင်ႈတၢင်းၵႂႃႇ ၵွပ်ႈပိူဝ်ႈၼမ်ႉလဝ်ႈၼမ်ႉၵမ်ယဝ်ႉ။ မီးတၢင်းဢၼ်ၽိတ်းပိူင်ႈ ၼႂ်းလွင်ႈတၢင်းဢၼ်ၶၢမ်ႇပျႃႇတိၵ်ႈၼၼ်ႉယူႇသေလႄႈ မီးတၢင်းဢၼ်တိူဝ်ႉမႅၼ်ႈလႄႈ လူမ်ႉၼႂ်းတၢင်းဢၼ်ၸီႇယၢင်ႇတြႃးၼၼ်ႉဢေႃႈ။-

ပရေႃးၽႅတ်ႈ တင်းလၢႆ၊ဢိၵ်ႇတင်းယဵၸ်ႈပရေႃးႁဵၵ်ႈ တင်းလၢႆယင်းဢွၼ်ၵၼ်ၵိၼ်လဝ်ႈမဝ်းၵမ်လႄႈဝၢင်ႇဝီႈဝၢင်ႇဝိူဝ်ႈယူႇဢေႃႈ။ ၶဝ်ၵိၼ်ၼမ်ႉလဝ်ႈမၢၵ်ႇၸပိတ်ႉ၊ဢိၵ်ႇတင်းၼမ်ႉလဝ်ႈဢၼ်ၶိုၼ်ႇႁႅင်းၼၼ်ႉလႄႈလူမ်ႉတူၵ်းပိူင်ႈတႃႈပိူင်ႈတၢင်းၵႂႃႇဢေႃႈ။ ပရေႃးၽႅတ်ႈတင်းလၢႆၵိၼ်လဝ်ႈမဝ်းပူၼ်ႉမဝ်းလိူဝ်လႄႈဢမ်ႇၸၢင်ႈႁုၸႅင်ႈရူႇပႃႇရူင်ႇဢၼ်ၽြႃးပဵၼ်ၸဝ်ႈၼႄပျႃးၼၼ်ႉလႆႈ။ ယဵၸ်ႈပရေႃးႁဵၵ်ႈတင်းလၢႆၵေႃႈ၊ၵိၼ်လဝ်ႈမဝ်းပူၼ်ႉမဝ်းလိူဝ်လႄႈဢမ်ႇၸၢင်ႈၸီႇယၢင်ႇဢမုဢၼ်ပိူၼ်ႈမႃးတၢင်ႇဝႆႉတိူင်ႇဝႆႉၼၼ်ႉဢေႃႈ။-