Isaiah 29:8 — Compare Translations

2 translations compared side by side

ၵူၼ်းဢၼ်လုၵ်ႉသေၵႃႈတီႈ ၵူႈသိုင်ႇၵူႈမိူင်း မႃးၼမ်ၼႃႇလႄႈ တိုၵ်းတေႃးလွႆ ၸီႉဢုၼ်ႇ ၼၼ်ႉ ၸိူဝ်းၼၼ်ႉ တၵ်းလႆႈပဵၼ် ၸိူဝ်ႉၼင်ႇဢၼ်ၵေႃႉဢၼ်တွင်ႉမႆႈၼၼ်ႉ ၼွၼ်းၽၼ်လႄႈထၢင်ႇဝႃႈလႆႈၵိၼ်ယဝ်ႉ၊ ဝႃႈၼင်ႇၼႆသေၵေႃႈ၊ ယၢမ်းမိူဝ်ႈဢၼ်တိုၼ်ႇမႃး ၼၼ်ႉၸိုင် တၢင်းဢၼ် တွင်ႉမႆႈမၼ်းဢမ်ႇပေႇဢမ်ႇႁၢႆၼၼ်ႉ ဢိၵ်ႇတင်းၸိူဝ်းဢၼ် ၵေႃႉဢၼ်ယၢၵ်ႇၼမ်ႉၼၼ်ႉ ၼွၼ်းၽၼ်လႄႈထၢင်ႇဝႃႈလႆႈၵိၼ်ယဝ်ႉ၊ ဝႃႈၼင်ႇၼႆသေၵေႃႈ၊ ယၢမ်းမိူဝ်ႈဢၼ် တိုၼ်ႇမႃးၼၼ်ႉၸိုင်၊ မီးတၢင်းဢၼ်ဢူၼ်ႈဢွၼ်ႇယူႇ၊ ဢွၵ်ႇၸႂ်ယူႇၼၼ်ႉဢေႃႈ။

မၼ်းတၵ်းမိူၼ်ၸိူဝ်ႉၼင်ႇၵေႃႉဢၼ်တွင်ႉမႆႈသႆႈလိူတ်ႈၼွၼ်းၽၼ်ႁၼ်ဝႃႈ၊မၼ်းလႆႈၵိၼ်လႄႈမိူဝ်ႈဢၼ်တိုၼ်ႇမႃးၼၼ်ႉယင်းတိုၵ်ႉတွင်ႉမႆႈယူႇၼၼ်ႉ၊ဢမ်ႇၼၼ်ၵေႃႈ၊ပဵၼ်ၸိူဝ်ႉၼင်ႇၵေႃႉဢၼ်ယၢၵ်ႇၼမ်ႉၶေႃးႁႅင်ႈၼၼ်ႉၼွၼ်းၽၼ်ဝႃႈ၊မၼ်းလႆႈၵိၼ်ၼမ်ႉလႄႈ၊မိူဝ်ႈဢၼ်တိုၼ်ႇမႃးၼၼ်ႉယင်းတိုၵ်ႉတွင်ႉမႆႈယၢၵ်ႇၼမ်ႉယူႇၼၼ်ႉဢေႃႈ။