Isaiah 30:33 — Compare Translations

2 translations compared side by side

လွင်ႈမၼ်းၸမ်ႉ တီႈ တေႃးၽႅတ်ႉ ၼၼ်ႉ လႆႈမီးတၢင်းဢၼ်ၸီႇယၢင်ႇပွင်ႁဵတ်းဝႆႉယဝ်ႉမိူဝ်ႈၵွၼ်ႇ ဢွၼ်ၼႆႉၼၼ်ႉလႄႈ မီးတၢင်းဢၼ်မႄးႁႅၼ်းဝႆႉပုၼ်ႈ ၶုၼ်ႁေႃၶမ်း ဢမၢၼ်ႇၶၼ်ပဵၼ်ဢေႃႈ။ မၼ်းၸဝ်ႈႁဵတ်းႁႂ်ႈပဵၼ်ဢၼ်လိုၵ်ႉလမ်ႇယႂ်ႇၵႂၢင်ႈၼႃႇလႄႈ တီႈဢၼ်ၵွင် ဢၼ်သုင်မၼ်းၵေႃႈ ပဵၼ်ၽႆး ဢိၵ်ႇတင်း ၽိုၼ်းၼမ်ၼႃႇဢေႃႈ။ တၢင်းဢၼ်ထူၺ်ႈၸႂ်ဢွၵ်ႇ ထႃႇဝရႃႉၽြႃးၼၼ်ႉ တၵ်းလႆႈဢဝ် ၽႆးတုတ်ႇမၼ်းၼၼ်ႉ မိူၼ်ၸိူဝ်ႉၼင်ႇၵၢၼ်ႉဢၼ်ၶိုဝ်ႇပဵၼ်ၼၢမ်ၼၼ်ႉဢေႃႈ။

တီႈမုၵ်ႉၽႆးဢၼ်တၵ်းတုတ်ႇၽဝ်ၸဝ်ႈမုၼ်ယႂ်ႇၶုၼ်ႁေႃၶမ်းမိူင်း ဢႃႇသီးရီးယႃး၊ ၼၼ်ႉမႄးႁႅၼ်းဝႆႉၸဵမ်မိူဝ်ႈဢွၼ်တၢင်းၼႆႉႁိုင်ၼႃႇယဝ်ႉဢေႃႈ။ တီႈမုၵ်ႉၽႆးၼၼ်ႉပဵၼ်ၵွင်မႆႉၸိင်ဢၼ်ၵွင်ဝႆႉသုင်ၼႃႇ၊ၵႂၢင်ႈၼႃႇဢေႃႈ။ တၢင်းဢၼ် ထႃႇဝရႃႉၽြႃး၊ ထူၺ်ႈၸႂ်ဢွၵ်ႇၼၼ်ႉပဵၼ်မိူၼ်ၸိူဝ်ႉၼင်ႇၵၢၼ်ႉဢၼ်လႆထူမ်ႈလႄႈလုၵ်ႉမႆႈပဵၼ်ၽႆးၼၼ်ႉဢေႃႈ။